بازتاب نیوز

نن د ملي شورا ۱۷مه تقنيني دوره پرانيستل كېږي

٦ غويی ١٣٩٨ د كليد ګروپ

ټاكل شوې نن د ملي شورا ۱۷مه تقنيني دوره د جمهور رئيس محمد اشرف غني په حضور كې پرانيستل شي.

مخكې د ملي يووالي حكومت ټينګار كړى و، چې پارلمان به له نوو غړو سره پرانېزي، خو د ټاكنو خپلواك كمېسيون تراوسه د كابل په ګډون د شپږو ولايتونو د ولسي جرګې ټاكنو وروستۍ پايلې نه دي اعلان كړې.

د ولسي جرګې ټاكنې د تېر لمريز كال د تلې مياشتې په ۲۸مه او ۲۹مه نېټه د هېواد په ۳۲ ولايتونو او د لړم مياشتې په پنځمه نېټه په كندهار كې ترسره شوې، چې له پراخو درغليو او سرغړونو سره ملې وې.

د ټاكنو خپلواك كمېسيون تر دا مهاله د ۲۷ ولايتونو د ولسي جرګې ټاكنو وروستۍ پايلې له خلكو سره شريكې كړې دي.

 

The post نن د ملي شورا ۱۷مه تقنيني دوره پرانيستل كېږي appeared first on pashto.

اصلي اړیکې: https://tkg.af/pashto/2019/04/26/%D9%86%D9%86-%D8%AF-%D9%85%D9%84%D9%8A-%D8%B4%D9%88%D8%B1%D8%A7-%DB%B1%DB%B7%D9%85%D9%87-%D8%AA%D9%82%D9%86%D9%8A%D9%86%D9%8A-%D8%AF%D9%88%D8%B1%D9%87-%D9%BE%D8%B1%D8%A7%D9%86%D9%8A%D8%B3%D8%AA%D9%84/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading