بازتاب نیوز

ظریف پر ایران د امریکا لګول شوي بندیزونه د منلو وړ نه بولي

٢٦ غويی ١٣٩٨ طلوع نیوز

د ایران د بهرنیو چارو وزیر، جواد ظریف جاپان کې د خپل سفر په ترڅ کې پر تهران د واشنګټن بندیزونه د منلو وړ نه بولي.

هغه ویلي دي:«موږ باور لرو چې د امریکا متحده ایالاتو لخوا د حالاتو تشدید د منلو وړ نه دی، هغه ډول چې تاسو وویل، موږد محدودیتونو اکثر حد تجربه کړی دی. سره له دې چې امریکا متحده ایالات له ایران سره د هستوي هوکړې وتلی دی، موږ په دې هوکړه کې خپلو ژمنو ته هوډمن پاتې یوو.»

په همدې حال کې د جاپان د بهرنیو چارو وزیر، تورو کونو له لویدیځ سره د ایران د هستوي هوکړې ته پر ژمن پاتې کېدو ټینګار کوي.

نوموړي د ایران د بهرنیو چارو وزیر نه غوښتنه کړې ده چې تهران دې له لویدیځ سره هستوي هوکړې ته ژمن پاتي شي.

تورو کونو څرګنده کړې ده:«موږ له ایرانه غوښتنه کوو چې له لویدیځ سره هستوي هوکړې ته ژمن پاتي شي او منځني ختیځ کې ټیکاو په سیمه کې د ایران مثبتونو کارونو ته اړتیا لري. موږ له تاسو هیله کوو چې د ناندرو د رامنځته کېدو مخنیوي لپاره له زغمه کار واخلئ.»

د ایران د بهرنیو چارو وزیر، جواد ظریف جاپان ته د خپل سفر په ترڅ کې د جاپان له لومړي وزیر، شینزو آبه سره هم لیدلي دي.

په دې لیدنه کې د جاپان لومړي وزیر د منځني ختیځ د حالت په اړه اندېښنه څرګنده کړې ده.

ښاغلي آبه ویلي دي:«په منځني ختیځ کې حالت د خرابوالي پر لور روان دي، او زه یې په اړه اندېښنه لرم.»

که څه هم امریکا متحده ایالاتونه وايي چې پر ایران به د فشار له له سیاسه کار واخلي، خو ایران وايي چې د امریکا د بندیزونو پر وړاندې مقاومت کوي.

اصلي اړیکې: https://www.tolonews.com/index.php/pa/world/%D8%B8%D8%B1%DB%8C%D9%81-%D9%BE%D8%B1-%D8%A7%DB%8C%D8%B1%D8%A7%D9%86-%D8%AF-%D8%A7%D9%85%D8%B1%DB%8C%DA%A9%D8%A7-%D9%84%DA%AB%D9%88%D9%84-%D8%B4%D9%88%D9%8A-%D8%A8%D9%86%D8%AF%DB%8C%D8%B2%D9%88%D9%86%D9%87-%D8%AF-%D9%85%D9%86%D9%84%D9%88-%D9%88%DA%93-%D9%86%D9%87-%D8%A8%D9%88%D9%84%D9%8A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading