بازتاب نیوز

زابل: د عملياتي کنډک د قومندان په ګډون لس سرتيري وژل شوي

٢٦ غويی ١٣٩٨ نن ټکی اسیا

نن ټکی اسیا (پنجشنبه، ۲۶غویي ۱۳۹۸ل): د زابل ولايت د عملياتي کنډک قومندان لس تنه سرتيري د طالبانو په بريد کې وژل شوي دي.

راپورونه وايي چې د زابل ولايت د عملیاتي کنډک قومندان قيس احمد تيره ورځ ناوخته د دې ولايت په سيورې ولسوالۍ کې هغه مهال د طالبانو په کمين ور برابر شو چې نوموړی د سيوري ولسوالۍ په مرکز د طالبانو په وړاندې جګړې ته روان و.

طالبانو له نوموړي سره نهه تنه نور سرتيري هم وژلي او دوه نور يې ټپيان کړي دي.

قيس احمد خانشين د ولسوالۍ تورجان هلمندوال ورور و چې تازه د زابل د عملياتي کنډک د قومندان په توګه ټاکل شوی و.

دا په داسې حال کې ده چې طالبانو نن سهار خبر ورکړ چې تيره شپه ناوخته يې د زابل ولایت د سيورې ولسوالۍ سقوط کړې ده او په خپله ولکه کې يې اخيستې ده.

ذبيح الله مجاهد په خپل ټويټر پاڼه ليکلي دي چې د يادې ولسوالۍ د سقوط په ترڅ کې يې ګڼ شمير سرتيرو ته مرګ ژوبله هم اړولې ده او همدا راز يې سپکې درنې وسلۍ او نظامي وسايط نيولي دي.

تر اوسه پورې د زابل امنيتي مسؤلينو په دې تړاو څه نه دي ويلي.

اصلي اړیکې: https://www.nunn.asia/144788/%D8%B2%D8%A7%D8%A8%D9%84-%D8%AF-%D8%B9%D9%85%D9%84%D9%8A%D8%A7%D8%AA%D9%8A-%DA%A9%D9%86%DA%89%DA%A9-%D8%AF-%D9%82%D9%88%D9%85%D9%86%D8%AF%D8%A7%D9%86-%D9%BE%D9%87-%DA%AB%DA%89%D9%88%D9%86-%D9%84/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading