بازتاب نیوز

بين الافغاني مذاکرات؛ المان يې د زمينه سازۍ ژمنه وکړه

٢٦ غويی ١٣٩٨ ټاټوبی نيوز

ولسمشر غني نن له غرمې مخکې د افغانستان او پاکستان لپاره د المان ځانګړي استازي مارکوز پوټزیل سره وکتل.

په دغه کتنه کې چې په ارګ کې وشوه، په پیل کې د افغانستان او پاکستان لپاره د المان ځانګړي استازي د بین الافغاني  ډیالوګ د اسانتیا برابرولو په برخه کې د خپل هیواد د چمتووالي خبر  ورکړ او زیاته یې کړه، المان د سولې پروسه کې د افغانستان حکومت او خلکو سره هر ډول همکارۍ ته اماده دی.

ولسمشر غني، په بېلابېلو برخو کې د المان د مرستو او همکاریو مننه وکړه او وې ویل، د افغانستان حکومت یواځینۍ موخه د پایداره سولې ټینګښت دی او د هر هغه ګام هرکلی کوو چې موږ دغې موخې ته رسوي.

ولسمشر غني وویل: دا چې المان چمتو دی د بین الافغاني ډیالوګ د اسانتیا برابرونکي رول اجرا کړي، موږ یې قدرداني کوو او د افغانستان حکومت په دې برخه کې هر اړخیزه هڅه او همکاري کوي چې دا حرکت بریالیتوب ته ورسوي.

The post بين الافغاني مذاکرات؛ المان يې د زمينه سازۍ ژمنه وکړه appeared first on ټاټوبی نيوز.

اصلي اړیکې: https://tatobaynews.com/بين-الافغاني-مذاکرات؛-المان-يې-د-زمينه/

د اصلي پاڼې خلاصول

ټاټوبی نيوز په اړه نور ولولئ

وروستي خبرونه:

Loading