بازتاب نیوز

پاكستاني ځواكونو نهه داعشيان وژلي

٢٧ غويی ١٣٩٨ د كليد ګروپ

پاكستاني چارواكي په بلوچستان ايالت كې د څو ساعته پوځي عملياتو په مهال د نهو داعش وسله والو د وژل كېدو خبر وركوي.

دا عمليات په مستونګ ولسوالۍ كې د ياد ايالت د مركز كوېټې ښار په ۴۷ كيلو مټرۍ كې ترسره شوي دي.

ځايي چارواكو په دغو عملياتو كې د څلورو پاكستاني سرتېرو ټپي كېدل هم تاييد كړي دي.

د پاكستان بلوچستان ايالت په روانه ميلادي مياشت كې د څو تروريستي بريدونو شاهد و.

په دې ايالت كې تازه پوځي عمليات وروسته له هغې ترسره شول، چې په روژې مباركې مياشت كې په پاكستان كې تروريستي پېښې ناڅاپه زياتې شوې.

د پاكستان په بلوچستان ايالت كې د تېرې دوشنبې په ورځ د بريد له كبله، چې مسووليت يې داعش ډلې ومانه، پنځه پوليس ووژل شول.

هلته څو وسله والې او بېلتون غوښتونكې ډلې د اسلام اباد په ضد جنګېږي.

 

The post پاكستاني ځواكونو نهه داعشيان وژلي appeared first on pashto.

اصلي اړیکې: https://tkg.af/pashto/2019/05/17/%D9%BE%D8%A7%D9%83%D8%B3%D8%AA%D8%A7%D9%86%D9%8A-%DA%81%D9%88%D8%A7%D9%83%D9%88%D9%86%D9%88-%D9%86%D9%87%D9%87-%D8%AF%D8%A7%D8%B9%D8%B4%D9%8A%D8%A7%D9%86-%D9%88%DA%98%D9%84%D9%8A/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading