بازتاب نیوز

جرمني په افغان سولې بهير كې همكارۍ ته چمتووالى وښود

٢٧ غويی ١٣٩٨ د كليد ګروپ

د افغانستان او پاکستان لپاره د جرمني ځانګړى استازى مارکوز پوټزيل وايي، هېواد يې د سولې په بهير كې د افغانستان له حکومت او خلکو سره هر ډول همکارۍ ته چمتو دى.

نوموړي دا خبره د پنجشنبې په ورځ په ارګ كې له جمهور رئيس محمد اشرف غني سره د ليدنې په مهال وكړه.

د جمهوري رياست د مطبوعاتي دفتر د خبرپاڼې پر بنسټ، پوټزيل د بين الافغاني ډيالوګ د اسانتيا برابرولو په برخه کې هم د خپل هېواد د چمتووالي خبر ورکړ.

بلخوا جمهور رئيس غني وويل، د افغان حکومت يوازينى هدف د تلپاتې سولې ټينګښت دى او د هر هغه ګام هرکلى کوي، چې افغانان دې هدف ته رسوي.

د يادونې وړ ده، چې د ملي يووالي حكومت تل د سولې پر بين الافغاني خبرو ټينګار كوي، خو طالبان تر دا مهاله له دغه حكومت سره مذاكراتو ته نه دي چمتو شوي.

 

The post جرمني په افغان سولې بهير كې همكارۍ ته چمتووالى وښود appeared first on pashto.

اصلي اړیکې: https://tkg.af/pashto/2019/05/17/%D8%AC%D8%B1%D9%85%D9%86%D9%8A-%D9%BE%D9%87-%D8%A7%D9%81%D8%BA%D8%A7%D9%86-%D8%B3%D9%88%D9%84%DB%90-%D8%A8%D9%87%D9%8A%D8%B1-%D9%83%DB%90-%D9%87%D9%85%D9%83%D8%A7%D8%B1%DB%8D-%D8%AA%D9%87-%DA%86%D9%85/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading