بازتاب نیوز

پنټاگان: د طالب مشرانو لگښتونه نه ورکوو

٢٧ غويی ١٣٩٨ د امریکا غږ

پنټاگان وایي چې د افغان حکومت او طالب مرکچیانو ترمنځ چې په ملاقاتونو کوم لگښتونه شویدي، هغه نه ورکوي.

پنټاگان په یوې اعلامیې کې لیکي هغوي د افغانستان د سولې د پروسې په جریان کې د افغان حکومت او د طالبانو تر منځ د ملاقاتونو لپاره د لوجیستکې مرستو خواست کړی و چې په اوربند کې یې د برخه اخیستنې فکر کاوه. پنټاگان به د دغو ملاقاتونو لگښت نه ورکوي.

اعلامیه زیاتوي: "د امریکا هدف دا دی چې د افغان حکومت او طالبانو ترمنځ خبرې وشي چې په دغه ملک کې د سولې د موافقې په نتیجه کې جنگ ختم شي او امریکا هم د داسې موافقې لپاره کار کوي".

اعلامیه زیاتوي چې امریکا د افغان حکومت او د طالبانو ترمنځ د سولې په اړه د ځایي کوښښونو ملاتړ کوي چې غواړي د افغان او ناټو د عسکرو ضد تشدد ودریږي.

په افغانستان کې د امریکایي ځواکونو قوماندان د ٢٠١٨ کال د اوربند نه وروسته د پنټاگان نه خواست کړی و چې د دواړو خواو ترمنځ ( افغان حکومت او طالبانو ) د ملاقاتونو لگښت دې ورکړي چې د سولې لپاره د ځایي اوربند په عملي کولو کار کوي.

پنټاگان د کانگرس نه غوښتي و چې د ٢٠٢٠ کال په بودیجې کې دې ورته دغه پیسې برابر کړي.​

د ٢٠٢٠ کال لپاره د پنټاگان په خپرې شوي بودیجې کې د افغانستان د امنیتي ځواکونو لپاره ۴.٥ ملیارده ډالره ځانگړي شوي.

په دغه بودیجې کې دا هم په ډاگه شوي چې پنټاگان به د طالبانو غړو ته لگښتونه نه ورکوي چې په یوې داسې غونډې کې یې گډون کړی وي چې د افغانستان حکومت او افغان میرمنې پکې نه وې شاملې.




اصلي اړیکې: https://www.pashtovoa.com/a/pentagon-says-the-will-not-pay-for-taliban-meetings/4920497.html

د اصلي پاڼې خلاصول

د امریکا غږ په اړه نور ولولئ

وروستي خبرونه:

Loading