بازتاب نیوز

په هلمند کې پر افغان ځواکونو هوايي برید شوی

٢٧ غويی ١٣٩٨ ټي آر ټي

 

د هلمند ولایت د ولایتي شورا رئیس  ویلي دي چې  غوڅ ملاتړ  تیره شپه  د نهرسراج په ولسوالۍ کې  په افغان امنیتي ځواکونو  چې د طالبانو سره  په جګړه کې بوخت ول  اشتباهي هوايي برید کړی دی چې په پایله کې ۱۷تنو ژوند دلاسه ورکړی  او ګن شمیر نور ټپيان شوي دي.

د هلمند ولایت  د ولایتي شورا رئیس  عطاالله افغان  خبري رسنیو ته ویلي دي چې پدې هوايي برید کې  ۱۴ تنه  افغان سرتیري ټپیان شوي دي.

همداشان  د هلمند ولایت  د والي ویاند  عمر ځواک هم  د پیښې پخلی کړی دی او ویلي دي چې برید د ناټو د غوڅ ماموریت لخوا شوی دی.

ځواک  خبري رسنیو ته ویلي دي چې تیره شپه  په ۸ بجو  طالبانو  په نهرسراج کې د پولیسو په یو مرکز برید وکړ . کله چې  تازه دمي ځواکونه  سیمې ته  روان  ول  د طالبانو د کمین سره  مخامخ شول  او نښته پیل شوه.

همداشان  د نوموړې جګړې پر مهال بیا هوايي برید هم شوی دی چې په پایله کې  ګن شمیر افغان ځواکونو ته  مرګ ژوبله اوښتې ده .

ناټو ځواکونو  د نوموړي برید په اړه تر اوسه پورې څه ندي ویلي . د والي ویاند بیا ویلي دي چې د پیښې د څیړولو په خاطر  یو نظامي پلاوی په دنده ګمارل شوی دی .

د هلمند  والي  محمد یاسین  هم ویلي دي چې د پیښې په اړه تحقیقات پیل شوي دي.

دا لومړی ځل ندی چې  ناټو  په افغانستان کې پر افغان ځواکونو اشتباهي  برید کوي.

اصلي اړیکې: https://www.trt.net.tr/pashto/fgnstn/2019/05/17/ph-hlmnd-kh-pr-fgn-hwkhwnw-hwyy-bryd-shwy-1202988

د اصلي پاڼې خلاصول

ټي آر ټي په اړه نور ولولئ

وروستي خبرونه:

Loading