بازتاب نیوز

کابل کې پر یوې امنیتي پوستې برید؛ څلور سرتېري وژل شوي

٢٧ غويی ١٣٩٨ طلوع نیوز

د بریدګرو یوې ډلې تېره شپه (پنجشنبې د غوايي ۲۶ مه) د کابل ښار په اړوند سیمه کې د عامه محافظت ځواکونو پر یوې پوستې برید کړی دی.

د پېښې شاهدان او د سرتېرو خپلوان وايي چې په دغه برید کې د عامه محافظت ځواکونو څلور سرتېري وژل شوي دي.

خو د عامه محافظت ځواکونه او د کابل امنیه قومندانۍ په دې اړه څه نه وايي.

خو د طلوع نیوز خبریال کریم امیني چې د پېښې سیمې ته تللی وايي چې بریدګرو دغه پوسته سوځولې ده.

د دغه برید مسوولیت تراوسه کومې ډلې نه دی منلی.

دغه پوسته د څرخي پله له امنیتي کمربند څخه یوازې څو سوه مټره واټن لري. د پېښې شاهدان وايي چې له بریدګرو سره د دوه ساعته جګړې په لړ کې هېڅوک د عامه محافظت د دغو ځواکونو مرستې ته هېڅوک رانه‎غلل. 

د عامه محافظت ځواکونه د خصوصي امنیتي شرکتونو له لغوه کېدو وروسته رامنځته شول او کورنیو چارو په وزارت کې د چارواکو په وینا، چې دغه ځواکونه د کابو ۲۰۰ خصوصي، نړیوالو او دولتي پروژو د امنیت تامین مسوولیت په غاړه لري.

اصلي اړیکې: https://www.tolonews.com/index.php/pa/afghanistan/%DA%A9%D8%A7%D8%A8%D9%84-%DA%A9%DB%90-%D9%BE%D8%B1-%DB%8C%D9%88%DB%90-%D8%A7%D9%85%D9%86%DB%8C%D8%AA%D9%8A-%D9%BE%D9%88%D8%B3%D8%AA%DB%90-%D8%A8%D8%B1%DB%8C%D8%AF%D8%9B-%DA%85%D9%84%D9%88%D8%B1-%D8%B3%D8%B1%D8%AA%DB%90%D8%B1%D9%8A-%D9%88%DA%98%D9%84-%D8%B4%D9%88%D9%8A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading