بازتاب نیوز

د کمېسیون پریکړه؛ راتلونکو ټاکنو کې له ټکنالوژۍ کار نه اخیستنه

٢٧ غويی ١٣٩٨ طلوع نیوز

د ټاکنو خپلواک کمېسیون پرېکړه کړې چې راتلونکو ټاکنو کې به له نوي ټکنالوژۍ کار نه اخیستل کېږي.

د ټاکنو خپلواک کمېسیون یوه حکم کې چې یوه نسخه یې طلوع نیوز ته رسېدلي ده راغلي دي چې د ټاکنو خپلواک کمېسیون د ټاکنو د تعدیل شوي قانون د ۱۹مې مادې دوهمه فقره په راتلونکو ټاکونو یعنې د ولسمشرۍ ټاکنو، د غزني پارلماني او ولسوالیو شوراګانو ټاکنو کې د پلې کولو وړ نه ده.

په دې پرېکړه کې راغلي، هغه کسان چې د راتلونکو ټاکنو او همداراز د غزني د ټاکنو لپاره نوم لیکنه کوي، د بایومټریک له ځانګړنو پرته به یې نوم لیکنه کېږي.

د پریکړې په بله برخه کې راغلي دي، د را‎ی ورکوونکو نوم لیکنه به د پېژندپاڼو له مخې ترسره شي.

د ټاکنو خپلواک کمېسیون په دې اړه څه نه وايي.

یاد کمېسیون له دې مخکې پریکړه کړې وه چې راتلونکې ټاکنې به د بایو مټریک دستګاه په کاروونې سره ترسره کیږي.

په همدې حال کې په کابل کې د امریکا متحده ایالاتو سفارت په خپره شوې اعلامیه کې په افغانستان کې د ولسمشرۍ له رڼو ټاکنو ملاتړ څرګند کړی دی.

د یاد سفارت په اعلامیه کې د ټاکنو خپلواک کمېسیون نه غوښتنه شوې چې ولسمشرۍ ټاکنو لپاره دې د بودجې او د ټاکنو د ترسره کېدو عملیاتي طرحه وړاندې کړي او همداراز د ټاکنو ترسره کېدو لپاره د کارکووکو د ګمارنې او روزنې لپاره دې پام وکړي.

اصلي اړیکې: https://www.tolonews.com/index.php/pa/afghanistan/%D8%AF-%DA%A9%D9%85%DB%90%D8%B3%DB%8C%D9%88%D9%86-%D9%BE%D8%B1%DB%8C%DA%A9%DA%93%D9%87%D8%9B-%D8%B1%D8%A7%D8%AA%D9%84%D9%88%D9%86%DA%A9%D9%88-%D9%BC%D8%A7%DA%A9%D9%86%D9%88-%DA%A9%DB%90-%D9%84%D9%87-%D9%BC%DA%A9%D9%86%D8%A7%D9%84%D9%88%DA%98%DB%8D-%DA%A9%D8%A7%D8%B1-%D9%86%D9%87-%D8%A7%D8%AE%DB%8C%D8%B3%D8%AA%D9%86%D9%87

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading