بازتاب نیوز

هلمند کې د بهرنیو ځواکونو هوايي برید کې ۱۷ تنه پولیس وژل شوي

٢٧ غويی ١٣٩٨ طلوع نیوز

 

داسې رپوټونه خپاره شوي دي چې د هلمند ولایت په نهرسراج ولسوالۍ کې د بهرنیو ځواکونو د هوايي برید په پایله کې د پولیسو د یوه قومندان په ګډون ۱۷ تنه پولیس وژل شوي دي.

یوه سرچینه طلوع نیوز ته وايي د ۶۰۱ لویې لارې قومندان ګران حبیب هغه مهال ووژل شو چې د نهرسراج ولسوالۍ د تانکي سیمه کې د پولیسو پوستې ته د مرستې لپاره تللی و چې بهرنیو ځواکونو په تېروتنې په نوموړې سیمې هوايي برید وکړ.

په ورته وخت کې د کورنیو چارو وزارت په یوې خبرپاڼه کې که‎څه هم نه څرګندوي چې په دغه برید کې څو تنه امنیتي ځواکونه وژل شوي، خو وايي چې بهرنیو ځواکونو له افغان امنیتي ځواکونو سره د مرستې لپاره وردانګلي دي. او د جګړې په پایله کې اته تنه پولیس وژل شوي او ۱۱ تنه نور یې ټپيان دي.

د هلمند د ولایتي شورا رییس عطاالله افغان وايي چې په دغه برید کې د پولیسو د یوه قومندان په ګډون ۱۷ تنه پولیس سرتېري وژل شوي دي.

بلخوا د کورنیو چارو وزارت بیا وايي چې په دې اړه پلټنې پيل شوې دي.

دغه وزارت همدارنګه طالبانو ته د درنې مرګ ژوبلې خبره هم کوي.

اصلي اړیکې: https://www.tolonews.com/pa/afghanistan/%D9%87%D9%84%D9%85%D9%86%D8%AF-%DA%A9%DB%90-%D8%AF-%D8%A8%D9%87%D8%B1%D9%86%DB%8C%D9%88-%DA%81%D9%88%D8%A7%DA%A9%D9%88%D9%86%D9%88-%D8%AF-%D9%87%D9%88%D8%A7%D9%8A%D9%8A-%D8%A8%D8%B1%DB%8C%D8%AF-%DA%A9%DB%90-%DB%B1%DB%B7-%D8%AA%D9%86%D9%87-%D9%BE%D9%88%D9%84%DB%8C%D8%B3-%D9%88%DA%98%D9%84-%D8%B4%D9%88%D9%8A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading