بازتاب نیوز

امریکا: افغانستان کې «ثبات» د واشنګټن او مسکو دواړو په ګټه دی

٢٧ غويی ١٣٩٨ نن ټکی اسیا

نن ټکی اسیا (جمعه، ۲۷غویي ۱۳۹۸ل): د امریکا د متحده ایالاتو د بهرنیو چارو وزیر «مایک پمپیو» وايي؛ په افغانستان کې سوله او ثبات په متحده ایالاتو سربېره د روسیې لپاره هم لوړ ارزښت دي ځکه په وینا یې؛ دواړه هیوادونه د تروریزم څخه جدي اندېښنه لري.

مایک پمپیو دا څرګندونې د روسیې له ولسمشر او ددې هیواد د بهرنیو چارو له وزیر سره تر لیدنې وروسته له «فاکس نیوز» سره وکړې.

نوموړي وویل « موږ په افغانستان کې د سولې او ثبات لپاره کارکوو ، روسیه دې هیواد ته ډېره نږدې ده، په افغانستان کې شته تروریزم روسیې او متحده ایالاتو ته جدي خطر پېښولای شي له همدې امله د افغانستان د ثبات په لاره کې اخستل کېدونکې هر ګام د دواړو هیوادونو په ګټه دی».

یاده دې وي چې؛ امریکا داسې مهال د افغانستان ثبات د دواړو هیوادونو په ګټه بولي چې؛ څه موده وړاندې د چین، امریکا او روسیې په درې اړخیزه ناسته کې له افغانستان څخه د بهرنیو عسکرو وتل ددې هیواد د ثبات لپاره  اړین وبلل شول او درې واړه لورو ورباندې هوکړه وکړه.

په دې سربېره د روسیې د بهرنیو چارو مرستیال وزیر تېره ورځ ادعا وکړه چې؛ هیواد یې تیار دی د ملګرو ملتونو د ترهګرو ډلو له لست څخه د طالبانو په ایستلو کې مثبته رایه وکاروي ځکه په وینا یې؛ له یوه سیاسي حل پرته افغانستان ثبات ته نشي رسېدلای.

اصلي اړیکې: https://www.nunn.asia/144852/%D8%A7%D9%85%D8%B1%DB%8C%DA%A9%D8%A7-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%DA%A9%DB%90-%D8%AB%D8%A8%D8%A7%D8%AA-%D8%AF-%D9%88%D8%A7%D8%B4%D9%86%DA%AB%D9%BC%D9%86-%D8%A7/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading