بازتاب نیوز

سرسام

٢٧ غويی ١٣٩٨ ټاټوبی نيوز

عبدالهادي هادي

ټوله رڼا ستا شه ګلې زه تیاره ماښام ښه یم

پریږده د نظر په شانې پروت د چا پر بام ښه یم

مه مې پخوه چې نور د اور د ټینګې نه یمه

پوخ یمه دننه له بهر نه یو څه خام ښه یم

زه خو د دنیا د رواجونو پروا نه ساتم

عقل دې د نورو وي زه دغسې سرسام ښه یم

زما او د سکون له وړکتوبه سره ورانه وه

ژوند د پښتانه یمه په منډه او نارام ښه یم

پریږده چې شکي دنیا ایمان په ګمان وبایلي

پروت لکه مظلوم بندي په سل رنګه بدنام ښه یم

ته د ستړي خوب اوسه د شنې ونې په سیوري کې

زه لکه احساس د ستړیا ستا د خوږ اندام ښه یم

مه وایه هادي ته چې ماضی له ذهنه وباسه

داسې پریشان لکه د مات پوځي انجام ښه یم

اصلي اړیکې: https://tatobaynews.com/سرسام/

د اصلي پاڼې خلاصول

ټاټوبی نيوز په اړه نور ولولئ

وروستي خبرونه:

Loading