بازتاب نیوز

ننګرهار ځانمرګي برید ۲۱ تنو ته مرګ ژوبله اړولې

٢٣ غبرګولی ١٣٩٨ خبرگزاری خاورمیانه

د ننګرهار چارواکي وایې؛ د جلال اباد ښار ۶مې ناحیې کې د ځآنمرګي برید له امله د یو ماشوم په ګډون پنځه ملکیان او درې نظامیان وژل شوي.

د ننګرهار د والي ویاند عطاالله خوږیاڼي خاورمیانه خبري اژانس ته وویل: د ننګرهار ولایت مرکز جلال اباد ښار شپږمې ناحیې اړوند فامیلو سیمه کې د امن عامه پوستې ته څېرمه نن پنج شنبه د غبرګولي په ( ۲۳) نیټه له غرمې وروسته شاوخوا پاو باندې څلور بجې پلي ځآنمرګي بریدګر د سیمه ییزو پولیسو په رینجر ډوله موټر ځآنمرګی برید کړی .

نوموړی زیاتوي په دې پېښه کې نهه تنه وژل شوي،چې په کې یو ماشوم،څلور نظامیان او څلور نور ملکي وګړي،چې عمرونه یې د دیرش کلونو څخه پورته دي شامل دي .

د خوږیاڼي په خبره د پیښې له ځای څخه د جلال اباد حوزوي روغتون ته ۱۲ تنه ټپیان انتقال شوي.

د خوږیاڼي په خبره؛ په ټپیانو کې درې نظاميان،درې ماشومان او شپږ نور ملکي وګړي شامل دي،چې د درې ټپيانو روغتیایي حالات نازک ښودل شوی دی .

تراوسه پورې د دې برید مسولیت کومې وسله والۍ ډلې په غاړه نه دی اخیستی.

اصلي اړیکې: https://middleeastpress.com/pashto/1398/03/24/%D9%86%D9%86%DA%AB%D8%B1%D9%87%D8%A7%D8%B1-%DA%81%D8%A7%D9%86%D9%85%D8%B1%DA%AB%D9%8A-%D8%A8%D8%B1%DB%8C%D8%AF-%DB%B2%DB%B1-%D8%AA%D9%86%D9%88-%D8%AA%D9%87-%D9%85%D8%B1%DA%AB-%DA%98%D9%88%D8%A8%D9%84/

د اصلي پاڼې خلاصول

خبرگزاری خاورمیانه په اړه نور ولولئ

وروستي خبرونه:

Loading