بازتاب نیوز

هند له افغانستان سره د خپلې ستراتېژيكې ملګرتيا پر دوام ټينګار وكړ

٢٤ غبرګولی ١٣٩٨ د كليد ګروپ

د هند لومړى وزير نرېندرا مودي وايي، هېواد به يې د دوست او ستراتېژيک ملګري په توګه د افغانستان ترڅنګ وي.

هغه دا خبره تېر ماخوستن د قرغزستان په پايتخت بېشكيك كې له جمهور رئيس محمد اشرف غني سره د ليدنې په مهال وكړه.

د ارګ د خبرپاڼې له مخې، د هند لومړي وزير په دې ليدنه كې له افغانستان سره په بېلابېلو برخو کې تېرو مرستو ته په اشارې يو ځل بيا د خپل هېواد په استازيتوب د همکاريو د دوام ډاډ ورکړ.

ده وويل، هند د افغانانو په رهبرۍ او مالکيت د سولې د بين الافغاني مذاکراتو ملاتړ کوي.

بلخوا جمهور رئيس غني له افغانستان سره په بېلابېلو برخو کې د هند د همکاريو قدرداني وکړه او ويې ويل، باعزته او تلپاتې سوله د افغانانو اساسي غوښتنه ده او د ملي يووالي حکومت مهم لومړيتوب او مسووليت دى.

د نوموړي په خبره، د سيمې هېوادونه دې د افغانستان د سولې پروسې په برخه کې خپلې همکارۍ همغږې او منظمې کړي.

په ياده كتنه كې دواړه خواوې له ترهګرۍ سره پر مبارزې، سيمه ييز اتصال، د اقتصادي او ټرانزيټي همکاريو پر پراختيا او د افغان سولې لپاره پر سيمه ييزې اجماع وغږېدې.

 

The post هند له افغانستان سره د خپلې ستراتېژيكې ملګرتيا پر دوام ټينګار وكړ appeared first on pashto.

اصلي اړیکې: https://tkg.af/pashto/2019/06/14/%D9%87%D9%86%D8%AF-%D9%84%D9%87-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%D8%B3%D8%B1%D9%87-%D8%AF-%D8%AE%D9%BE%D9%84%DB%90-%D8%B3%D8%AA%D8%B1%D8%A7%D8%AA%DB%90%DA%98%D9%8A%D9%83%DB%90/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading