بازتاب نیوز

وېلز: امریکا له سولې وروسته د اقتصادي پروګرامو پر څېړنه بوخته ده

٢٤ غبرګولی ١٣٩٨ طلوع نیوز

 

د مرکزي او سوېلي اسیا په چارو کې د امریکا د بهرنیو چارو وزارت مرستیاله الېس وېلز وايي چې امریکا له طالبانو سره تر سولې وروسته د اقتصادي پروګرام پر څېړنه بوخته ده. 

اغلې وېلز د دې هېواد د کانګرېس د بهرنیو اړیکو کمېټې ته ویلي، د افغانستان د سولې په اړه له روانو خبرو اترو خوښه ده. او زیاتوي چې د افغان سولې لپاره د امریکا ځانګړي استازي زلمي خلیلزاد  له طالبانو سره په خبرو اترو کې د پام وړ پرمختګ لرلی دی.

هغه څرګنده کړه:«موږ له نورو مرسته کوونکو سره کار کوو، څو د سولې له هوکړې وروسته، افغانستان ته پراختیا ورکړو. موږ به د ډیموکراټیکو بنسټونو د پیاوړتیا، د ښځو حقونو او همدا ډول د ولسمشرۍ ټاکنو په اړه چې سټمپر کې کېږي، خپل نظر بدل نه کړو.»

دا لوړ پوړې امریکايي چارواکې که څه د سولې خبرو ته د طالبانو د هڅولو له کبله له پاکستانه مننه کوي، خو زیاتوي، له ترهګرو باید د اسلام اباد ملاتړ پای ته ورسېږي.

د امریکا د بهرنیو چارو وزارت مرستیاله الېس وېلز وايي:«موږ دا درک کوو چې پاکستان د سولې خبرو ته د طالبانو د هڅوونې برخه کې ګاموته پورته کړي، هغه ګامونه چې د پرمختګ برخه کې یې مرسته کړې، مګر وروستۍ پایلې ته د رسېدو لپاره چې افغانستان پر یو سوله‌ییز هېواد بدل شي، باید زیات کار وشي.»

په ورته وخت کې د امریکا قانون جوړونکي د سولې خبرو کې د ښځو پر زیاتې ونډې ټینګار کوي.

د امریکا پرمختیايي بنسټ کې د افغانستان او پاکستان برخې برخې رییس کرین فریمن هم څرګنده کړه:«افغان ښځو د امریکا په مرسته زیات څیزونه ترلاسه کړي او د دغو لاسته راوړونو ساتنه د امریکا د پرمختیايي بنسټ د هڅو د تهداب ډبره ده.»

الېس وېلز ټینګار کوي چې امریکا هڅه کوي څو افغانستان امن شي.

د اغلې وېلز دا څرګندونې په داسې حال کې کېږي چې زلمی خلیلزاد له افغان وګړو او چارواکو سره د سولې د څرنګوالي په اړه پر سلامشورو بوخت دی. 

اصلي اړیکې: https://www.tolonews.com/pa/afghanistan/%D9%88%DB%90%D9%84%D8%B2-%D8%A7%D9%85%D8%B1%DB%8C%DA%A9%D8%A7-%D9%84%D9%87%C2%A0%D8%B3%D9%88%D9%84%DB%90-%D9%88%D8%B1%D9%88%D8%B3%D8%AA%D9%87-%D8%AF-%D8%A7%D9%82%D8%AA%D8%B5%D8%A7%D8%AF%D9%8A-%D9%BE%D8%B1%D9%88%DA%AB%D8%B1%D8%A7%D9%85%D9%88-%D9%BE%D8%B1-%DA%85%DB%90%DA%93%D9%86%D9%87-%D8%A8%D9%88%D8%AE%D8%AA%D9%87-%D8%AF%D9%87

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading