بازتاب نیوز

ځینې افغان مشران د سیمې له هېوادونو سره په اړیکه کې دي- خلیلزاد

٢٤ غبرګولی ١٣٩٨ آریانا نیوز

د افغانستان د سولې لپاره د امریکا ځانګړي استازي ویلي، ځینې افغان مشران د سیمې له هېوادونو سره د سولې بهیر او ولسمشریزو ټاکنو په تړاو په اړیکه کې دي.

د افغانستان د سولې لپاره د امریکا ځانګړي استازي زلمي خلیلزاد له آریانا نیوز سره په خبرو کې دغو کسانو ته خبرداری ورکړ او وایي، چې که دوی دې منفي کارونو ته دوام ورکړي؛ نومونه به یې ډاګیزه شي.

د زلمي خلیلزاد تازه خبرې د هغو افغان مشرانو په اړه دي، چې د ولسمشریزو ټاکنو او سولې بهیر په تړاو یې د سیمې له هېوادونو سره اړیکې نیولې دي.

که څه هم نوموړی د دې کسانو نوم نه اخلي؛ خو په کنایې سره وایي، له امریکا څه پټ ندي اوهغوی پېژندل شوي دي.

حکومتي مشرانو تل په تونده ژبه پر پاکستان لفظي بریدونه کړي او ایران یې خپل پخوانی دوست یاد کړی دی؛ نو زلمي خلیلزاد ویلي، چې دغه کسان څارل کیږي.

خلیلزاد افغان مشرانو ته خبرداری ورکوي، چې منفي رول لوبول پای ته ورسوي.

مخکې له دې ځینې تورن شوي وه، چې له داعش سره په اړیکه کې دي، پاکستان سره  یې تار ځغلولی، یا د لشکر فاطمیون څخه د ملاتړ غږ یې اوچت کړی دی، آیا د خلیلزاد خبرې له دې څرګندونو سره تړاو لري، که نه؟ وخت به یې ځواب کړي.

خبریال: علی اصغري

اصلي اړیکې: https://ariananews.af/uuoeuu-o-23/?lang=ps

د اصلي پاڼې خلاصول

آریانا نیوز په اړه نور ولولئ

وروستي خبرونه:

Loading