بازتاب نیوز

په ښوونځيو کې له زده کوونکو د پيسو ټولول منع شول

٢٢ چنګاښ ١٣٩٨ د كليد ګروپ

په ښوونځيو کې له ښوونکو او زده کوونکو په بېلابېلو نومونو د پيسو ټولول منع شول.

د پوهنې وزارت له لوري نن په خپره شوې خبرپاڼه كې راغلي، د پوهنې د سرپرست وزير محمد ميرويس بلخي د لارښوونې له مخې، له ښوونکو او زده کوونکو د مرستې، د دفتر د اړتيا وړ توكو د پېرودلو، د ټولګيو رنګولو، بيارغونې او په داسې نورو نومونو پيسې ټولول، چې فساد او ناسمه ګټه اخيستنه رامنځته كوي او د زده کوونکو د مور او پلار په ځانګړې توګه د بېوزلو کورنيو د اندېښنې سبب كېږي، منع دي.

د سرچينې په خبره، د داخلي تفتيش او ښوونيز نظارت رياستونو ته لارښوونه شوې، چې د پايتخت كابل او نورو ولايتونو ښوونځي تر دوامدار څار لاندې ونيسي او د يادو مواردو د ليدلو په صورت کې يې عاملين د قانون منګولو ته وسپاري.

بايد وويل شي، چې له دې وړاندې د هېواد په ښوونځيو كې له زده كوونكو په بېلابېلو نومونو پيسې ټولېدې.

The post په ښوونځيو کې له زده کوونکو د پيسو ټولول منع شول appeared first on pashto.

اصلي اړیکې: https://tkg.af/pashto/2019/07/13/%D9%BE%D9%87-%DA%9A%D9%88%D9%88%D9%86%DA%81%D9%8A%D9%88-%DA%A9%DB%90-%D9%84%D9%87-%D8%B2%D8%AF%D9%87-%DA%A9%D9%88%D9%88%D9%86%DA%A9%D9%88-%D8%AF-%D9%BE%D9%8A%D8%B3%D9%88-%D9%BC%D9%88%D9%84%D9%88%D9%84/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading