بازتاب نیوز

ناپېژانده کسانو د پکتیا سیمه‎ييزې راډیو یو تن کارکوونکی وژلی

٢٢ چنګاښ ١٣٩٨ طلوع نیوز

 

د صدای کردېز راډیو د تفریحي او ادبي خپرونو چلولی نادر شاه صاحب زاده د ناپېژانده کسانو لخوا وژل شوی دی.

نادرشاه د جمعې په ماښام (د چنګاښ په ۲۱مه)نادرکه او نن د شنبې (د چنګاښ په ۲۲مه) مړی یې د دوی د استوګنې په سیمه کې موندل شوی دی. 

د صدای ګردیز راډيو د خپرونو مدیرامین الله امیري ویلي چې، نوموړي د یو کال راهیسې په صدای ګردېز کې تفریحي او ادبي خپرونې چلولې، د هغه په وینا نادرشاه له چا سره کومه شخصي ستونزه نه لرله.

امیري وایي له نښو داسې ښکاري چې نادرشاه په ډزو نه‎دی وژل شوی او پر جسد یې د سختې شکنجې او چاقوګانو نښې معلومېږي.

د پکتیا امنیې قوماندانۍ ویاند سردار ولي تبسم وایي چې د پېښې د عاملینو او  لامل  د معلومولو لپاره څېړنیزې ډلې کار پیل کړی دی. 

د پېښې مسوولیت هم کومې ډلې یا کوم کس په غاړه نه دی اخیستی. 

دا لومړی ځل دی چې په پکتیا کې د یوې سیمه‎ییزې رسنۍ کار کوونکی وژل کېږي، خو د افغانستان د ازادو رسینو د ملاتړ بنسټ (نی) د شمېرو له مخې  په روان زیږدیز کال کې په افغانستان کې د رسنیۍ اوه تنه کار کوونکي وژل شوي دي.

نی له کورنیو چارو وزارت څخه غواړي چې د نادرشاه صاحب زاده د وژلو پېښه په جدي توګه وڅېړي او د هغه عاملان ونیسي.

اصلي اړیکې: https://www.tolonews.com/pa/afghanistan/%D9%86%D8%A7%D9%BE%DB%90%DA%98%D8%A7%D9%86%D8%AF%D9%87-%DA%A9%D8%B3%D8%A7%D9%86%D9%88-%D8%AF-%D9%BE%DA%A9%D8%AA%DB%8C%D8%A7-%D8%B3%DB%8C%D9%85%D9%87%E2%80%8E%D9%8A%D9%8A%D8%B2%DB%90-%D8%B1%D8%A7%DA%89%DB%8C%D9%88-%DB%8C%D9%88-%D8%AA%D9%86-%DA%A9%D8%A7%D8%B1%DA%A9%D9%88%D9%88%D9%86%DA%A9%DB%8C-%D9%88%DA%98%D9%84%DB%8C

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading