بازتاب نیوز

طالبان: کندهار کې عام خلک د طالبانو په نامه نيول شوي

٢٣ چنګاښ ١٣٩٨ نن ټکی اسیا

نن ټکی اسیا (يکشنبه، ۲۳چنګاښ ۱۳۹۸ل): طالبانو د کندهار والي هغه ادعا رد کړې ده چې په دې ولایت کې يې د طالبانو څلوېښت کسيزه ډله نيولې ده.

د کندهار والي حيات الله حيات تيره ورځ رسنيو ته وويل چې د طالبانو هغه څلويښت کسيزه ډله يې نيولې ده چې له تيرې څه مودې راهيسې يې د کندهار په بيلابيلو ولسواليو کې فعاليت کاوه چې د ملي امنيت له لوري ونيول شول خو طالبانو د والي دا ادعا رد کړې ده.

د طالبانو وياند قاري محمد يوسف احمدي ويلي دي چې د کندهار- بولدک په لويه لاره نيول شوي څلويښت تنه طالبان نه دي او د مختلفو سيمو عام مسافر د چې له طالبانو سره د همکارۍ په شک نيول شوي دي.

له کندهار څخه يوې سرچينې نن ټکي اسيا ته ویلي دي چې په دې وروستيو کې د کندهار د والي په امر عام خلک د طالبانو په نامه نيول کيږي او زنداني کيږي.

د سيمې اوسېدونکي وايي چې کندهار ته د حيات الله حيات په ورتګ سره تر دې وړاندې هم ډېری عام خلک د طالب په نامه ځورول شوي او زنداني شوي دي.

اصلي اړیکې: https://www.nunn.asia/148100/%D8%B7%D8%A7%D9%84%D8%A8%D8%A7%D9%86-%DA%A9%D9%86%D8%AF%D9%87%D8%A7%D8%B1-%DA%A9%DB%90-%D8%B9%D8%A7%D9%85-%D8%AE%D9%84%DA%A9-%D8%AF-%D8%B7%D8%A7%D9%84%D8%A8%D8%A7%D9%86%D9%88-%D9%BE%D9%87-%D9%86/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading