بازتاب نیوز

د افغان سولې په پار افغانستان او قطر ته د خلیلزاد د تازه سفر پيل

١ زمری ١٣٩٨ طلوع نیوز

 

د افغان سولې لپاره د امریکا ځانګړي استازي زلمي خلیلزاد د افغانستان د سولې لپاره افغانستان او قطر ته خپل نوی سفر پيل کړ.

د امریکا د بهرنیو چارو وزارت په یوې خبرپاڼه کې ویلي چې ښاغلي خلیلزاد د افغان سولې بهیر د زمینې او جګړې پای لپاره د یوې ټولیزې هڅې لپاره د جولای له ۲۲مې نېټې څخه د اګسټ تر لومړۍ نېټې پورې به له افغانستان او قطر څخه لیدنه وکړي.

په خپرپاڼه کې راغلي چې خلیلزاد به کابل کې له افغان حکومت سره د سولې بهیر د راتلوونکو ګامونو او د مرکچي پلاوي چې وکړای شي د افغانانو ترمنځ خبرو کې ګډون وکړي مشوره وکړي.

د امریکې د بهرنیو چارو وزارت په وینا، خلیلزاد به همدارنګه سولې په برخه کې د فعالانو په ګډون د نړیوالې ټولنې له غړو، افغانستان کې د ښځو د حقونو دفاع کوونکو سره هم وویني او په دوحه کې به له طالبانو سره به خبرې بیا پیل کړي.

له دې مخکې خلیلزاد ویلي وو چې د امریکې او طالبانو د خبرو اترو اووم پړاو «ډېر جوړونکی» و. 

امریکايي او طالب استازو له افغانستانه د بهرنیو ځواکونو د وتلو، له ترهګرۍ سره د مبارزې، اوربند، او د افغانانو ترمنځ پر خبرو بحث کړی وو.

اصلي اړیکې: https://www.tolonews.com/index.php/pa/afghanistan/%D8%AF-%D8%A7%D9%81%D8%BA%D8%A7%D9%86-%D8%B3%D9%88%D9%84%DB%90-%D9%BE%D9%87-%D9%BE%D8%A7%D8%B1-%D9%82%D8%B7%D8%B1-%D8%A7%D9%88-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%D8%AA%D9%87-%D8%AF-%D8%AE%D9%84%DB%8C%D9%84%D8%B2%D8%A7%D8%AF-%D8%AF-%D8%AA%D8%A7%D8%B2%D9%87-%D8%B3%D9%81%DB%8C%D8%B1-%D9%BE%D9%8A%D9%84

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading