بازتاب نیوز

نبیل: غني د کابل بانک د قضیي اصلي تورن د دېرش میلیونه ډالرو په بدل کې خلاص کړی

٢٣ زمری ١٣٩٨ نن ټکی اسیا

نن ټکی اسیا (چهار شنبه،۲۳ زمری، ۱۳۹۸ل): وروسته له هغه چې د ګډ حکومت مشر د یوه فرمان له لارې د کابل بانک پخوانی رییس او د یاد بانک د قضیې اصلي تورن « خلیل الله فیروزي» د ناروغۍ په پلمه له بنده خلاص کړ؛ د ملي امنیت پخوانی رییس او راتلونکو ولسمشریزو ټاکنو ته نوماند «رحمت الله نبیل» وايي، فیروزي د دېرش میلیونه ډالرو په بدل کې پرېښودل شوی.

نبیل په خپله فسبوک پاڼه لیکلي « د یوې معتبرې سرچینې په اساس، د کابل بانک قضیې اصلي تورن خلیل الله فیروزي له دولت ساز ټیم سره د کمپاین په برخه کې د ۳۰ میلیونه ډالرو د مرستې په بدل کې ازاد شوی، اشرف غني د سمارټ سيټي په قضیه کې هم ښکېل وو او په همدې قضیه کې یې د محمدي په نامه خپل حقوقي مشاور له دندې لیرې کړ».

خو ارګ بیا د نبیل څرګندونې ردوي، د حکومت مشر ویاند «صدیق صدیقي» په خپل ټویټر لیکلي « د ښاغلي نبیل دا ادعا چې فیروزي د پيسو په بدل کې پرېښودل شوی بې بنیاده، عوام غولوونکې او کمپایني بڼه لري، د هغه کمېټې د پرېکړې له مخې چې د عدلي، قضايي، امنیتي او روغتیايي بنسټونو له غړو جوړه وه؛ د فیروزي روغتیایي حالت نازک ښودل شوی، کور ته انتقال شوی او تر کلکې امنیتي څارنې لاندې دی».

اصلي اړیکې: https://www.nunn.asia/149815/%D9%86%D8%A8%DB%8C%D9%84-%D8%BA%D9%86%D9%8A-%D8%AF-%DA%A9%D8%A7%D8%A8%D9%84-%D8%A8%D8%A7%D9%86%DA%A9-%D8%AF-%D9%82%D8%B6%DB%8C%D9%8A-%D8%A7%D8%B5%D9%84%D9%8A-%D8%AA%D9%88%D8%B1%D9%86-%D8%AF-%D8%AF/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading