بازتاب نیوز

بامیان: دوه لوړ پوړو چارواکو پر یوې ښځې جنسي تیری کړی

٢٣ زمری ١٣٩٨ نن ټکی اسیا

نن ټکی اسیا (چهار شنبه،۲۳ زمری، ۱۳۹۸ل): په بامیان ولایت کې د امنیتي ځواکونو دوه لوړ پوړو چارواکو پر یوې ښځي جنسي تیری کړی او تښتیدلي دي.

د بامیانو سیمه ییزو چارواکو رسنیو ته ویلي چې د ولایت د امنیه قومندانۍ د پولیسو ټولي قومندان او د جلب او جذب قومندان د اختر په دوهمه ورځ د قومندانۍ په میلمستون کې پر یوې ښځې جنسي تیری کړی دی.

د بامیان امنیه قومندان محمد صادق مرادي رسنیو ته ویلي چې دغه دوه کسان محمد سالم او بصیر بلوچ نومېدل، دوی ددغه جرم تر سره کولو وروسته تښتېدلي او د تلیفون شمیرې يې هم بندي کړي دي.

د نوموړي په وینا دواړو قومندانانو له مخکې هم جرمي دوسیې لرلې.

بلخوا ځینو نورو چارواکو ویلي چې د پيښې قرباني ښځه د پولیسو سره ده، او دغه پيښه د ملي امنیت، بشري حقونو کمیسون، امنیه قومندان او د ولایت مقام له لوري د یوه ګډ هیئت له لوري څیړل کیږي.

باید وویل شي چې د دې تر مخه هم د حکومتي چارواکو او اربکیانو له لوري پر ماشومانو او ښځو باندي جنسي تیریو پيښې ثبت شوي دي خو د مخنیوي لپاره یې د حکومت له لوري د پام وړ ګامونه نه دي پورته شوي.

اصلي اړیکې: https://www.nunn.asia/149804/%D8%A8%D8%A7%D9%85%DB%8C%D8%A7%D9%86-%D8%AF%D9%88%D9%87-%D9%84%D9%88%DA%93-%D9%BE%D9%88%DA%93%D9%88-%DA%86%D8%A7%D8%B1%D9%88%D8%A7%DA%A9%D9%88-%D9%BE%D8%B1-%DB%8C%D9%88%DB%90-%DA%9A%DA%81%DB%90/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading