بازتاب نیوز

په ارزګان کې هم د خپلواکۍ د ورځې لمانځلو ته چمتوالي نیول شوي

٢٣ زمری ١٣٩٨ د كليد ګروپ

په ارزګان کې د سلمې کليزې د چمتوال په مناسبت په ځانګړي شوي پرګرام کې د سولې غوښتنه وشوه.

په ارزګان کې د سلګونه کسانو له لوري د خپلواکۍ د بیرته اخيستلو د سلمي کليزې په مناسبت په ورزشي سټډيوم کې ځانګړی پرګرام ترسره شو.

دغه پرګرام په درېیو برخو کې ترتیب شوی و، چې موسقي، تمثلي ټوټې او ملي اتڼونه پکې وشول.

د شپي ۱۱ بجي په ارزګان مرکز ترينکوټ ښار کې د شهيد جنرال جان محمدخان په ورزشي سټډيوم د ترينکوټ دښاروالۍ له لوري د سلمې کليزې په مناسبت ځانګړی اختريز پرګرام ترسره شوه.

په ياد پرګرام کې د سلګونه نورو کسانو ترڅنګ، د دغه ولايت يو شمېر چارواکو هم ګډون کړی و.

د ترينکوټ ښاروال انجنر نعمت الله بختيار د خپلواکۍ د بيرته اخيستلو پر سلمې کليزې خبرې وکړې.

نوموړي د خپلواکۍ پر ارزښت وغږېد او له خلګو يې غوښتنه وکړه چې د يو خپلواک افغانستان لپاره دې په خپلو اولادونو تعليم وکړي.

نعمت الله بختيار د سولې غوښتنه هم وکړه او د جګړې له ښکېلو غاړو څخه يې وغوښتل چې جګړه بس کړي.

په جوړه شوي پرګرام کې د دغه ولايت ميشتو سيمه ييزو سندغاړو ملي سندرې هم وويلې.

د پرګرام په بله برخه کې په دغه ولايت کې ميشتو ممثلينو د لوړو ولورونو د زيانونو او مخنيوي په هلکه ګډونوالو ته ادبي ټوټه وړاندې کړه.

په ترسره شوي تمثل کې له خلګو غوښتنه وشوه چې خپل اولادونه دې د ډېرو پیسو په بدل کې نه ورکوي.

د پرګرام په بل خبره کې د يو شمېر چاوراکو او د دغه ولايت د اوسيدونکو له لوري ملي اتڼونه ترسره شول.

د هېواد د خپلواکۍ دبیرته اخيستلو په هدف په ياد ځانګړي شوي پرګرام کې اور لوبي هم ترسره شوې او نندارچيانو يې ننداره وکړه.

د افغانستان د خپلواکۍ د بیرته اخیستلو سلمې کليزې ته چې د ګوتو په شمېر ورځې پاته دي، د ارزګان تر څنګ په ډېرو ولايتونو کې ورته چمتوالي نیول شوي دي.

The post په ارزګان کې هم د خپلواکۍ د ورځې لمانځلو ته چمتوالي نیول شوي appeared first on pashto.

اصلي اړیکې: https://tkg.af/pashto/2019/08/14/%D9%BE%D9%87-%D8%A7%D8%B1%D8%B2%DA%AB%D8%A7%D9%86-%DA%A9%DB%90-%D9%87%D9%85-%D8%AF-%D8%AE%D9%BE%D9%84%D9%88%D8%A7%DA%A9%DB%8D-%D8%AF-%D9%88%D8%B1%DA%81%DB%90-%D9%84%D9%85%D8%A7%D9%86%DA%81%D9%84%D9%88/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading