بازتاب نیوز

په کابل کې د حقاني شبکې یو غړی نیول شوی

٢٣ زمری ١٣٩٨ د كليد ګروپ

د کورنیو چارو وزارت وایي، نن چهار شنبه په کابل د افغان ځواکونو د عملیاتو پر مهال د حقاني شبکې یو غړی نیول شوی دی.

د کورنیو چارو وزارت په خبرپاڼه کې راغلي چې افغان ځواکونو د کابل ښار په نهمه ناحیه کې د حقاني شبکې د غړو نیولو په هدف عملیات ترسره کړي چې په ترڅ کې یې د سردار محمد په نوم د ترهګرو طالبانو د حقاني شبکې یو مهم غړی نیول شوی دی.

د کورنیو چارو وزارت په خبرپاڼه کې ویل شوي چې دغه کس د وسله طالبانو او حقاني شبکې لپاره د وسلو اومهماتو جوړولو دنده پر غاړه درلوده.

د یو بل خبر له مخې کورنیو چارو وزارت په بلخ، کندهار او ننګرهار ولایتونو کې د ۸ نورو وسله والو طالبانو د نیول کېدو خبر ورکوي.

دغه وزارت وایي، له یادو کسانو سره دوه میله کلاشینکوفونه، یو میل تفنګچه، جعلي پېژندپاڼې او پاسپورټونه نیول شوي دي.

The post په کابل کې د حقاني شبکې یو غړی نیول شوی appeared first on pashto.

اصلي اړیکې: https://tkg.af/pashto/2019/08/14/%D9%BE%D9%87-%DA%A9%D8%A7%D8%A8%D9%84-%DA%A9%DB%90-%D8%AF-%D8%AD%D9%82%D8%A7%D9%86%D9%8A-%D8%B4%D8%A8%DA%A9%DB%90-%DB%8C%D9%88-%D8%BA%DA%93%DB%8C-%D9%86%DB%8C%D9%88%D9%84-%D8%B4%D9%88%DB%8C/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading