بازتاب نیوز

د پکتیا د زرمت د پېښې جدي څېړنه کېږي

٢٤ زمری ١٣٩٨ د كليد ګروپ

د افغانستان د ملي امنیت شورا وایي، د پکتیا په زرمت ولسوالۍ کې د افغان ځواکونو په عملیاتو کې ملکي وګړي هم وژل شوي دي.

ملي امنیت شورا منلې چې د پکتیا په زرمت ولسوالۍ کې د افغان ځواکونو په عملیاتو کې د طالبانو تر ځنګ ملکي وګړو ته هم مرګ ژوبله اوښتې ده.

د دغې شورا د اعلامیې له مخې، جمهور رییس محمد اشرف غني په پکتیا ولایت کې د ملکي وګړو د مرګ ژوبلې په اړه د جدي پلټنې غوښتنه کړې ده.

د ملي امنیت شورا د اعلامیې له مخې، هغو کسانو ته به د قانون له مخې جزا ورکړل شي، چې په دغه پېښه کې ګرم وپېژندل شي.

دا په داسې حال کې ده چې د تېرې یکشنبې ماسخوتن افغان ځواکونو د پکتیا ولایت په زرمت ولسوالۍ کې د وسله والو طالبانو پر ضد عملیات کړي‌ وو، چې ملکي وګړو ته پکې د مرګ ژوبلې ادعا شوې وه.

The post د پکتیا د زرمت د پېښې جدي څېړنه کېږي appeared first on pashto.

اصلي اړیکې: https://tkg.af/pashto/2019/08/15/%D8%AF-%D9%BE%DA%A9%D8%AA%DB%8C%D8%A7-%D8%AF-%D8%B2%D8%B1%D9%85%D8%AA-%D8%AF-%D9%BE%DB%90%DA%9A%DB%90-%D8%AC%D8%AF%D9%8A-%DA%85%DB%90%DA%93%D9%86%D9%87-%DA%A9%DB%90%DA%96%D9%8A/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading