بازتاب نیوز

حکومت د شکایتونو د ارزولو او ثبت مرکز جوړ کړ

٢٤ زمری ١٣٩٨ د كليد ګروپ

د جمهوري ریاست په خبرپاڼه کې راغلي چې دغه مرکز د جمهور رییس غني د لارښوونې پر بنسټ د هېوادوالو د شکایتونو د ارزولو او ثبت په هدف جوړ شوی دی.

هغه مراسم چې په مرمرینه مانۍ کې په همدې هدف جوړ شوي وو، د جمهور رییس اشرف غني د دفتر رییس فیض کاکړ د دغه مرکز جوړل د دولتي ادارو د کړنو ارزولو لپاره غوره وبلل او زیاته یې کړه چې حکومت د هېوادوالو د شکایتونو ارزولو ته ځان مسول بولي.

په خبرپاڼه کې راغلي چې د هېواد دننه او بهر ټول هېوادوال ۲۴ ساعته کولای شي له ۵۰۰۰ شمېرې سره د اړیکې له لارې د جمهوري ریاست له بنسټ سره په اړیکه کې شي او خپل شکایتونه، نظریات او وړاندیزونه د قانوني پړاونو تر بشپړېدو وروسته ثبت کړي.

دغه اداره پر داسې مهال رامنځته کېږي چې تر دې وړاندې هېوادوال حکومت ته د خپلو شکایتونو رسېدو په برخه کې له ستونزو سره مخ وو.

 

The post حکومت د شکایتونو د ارزولو او ثبت مرکز جوړ کړ appeared first on pashto.

اصلي اړیکې: https://tkg.af/pashto/2019/08/15/%D8%AD%DA%A9%D9%88%D9%85%D8%AA-%D8%AF-%D8%B4%DA%A9%D8%A7%DB%8C%D8%AA%D9%88%D9%86%D9%88-%D8%AF-%D8%A7%D8%B1%D8%B2%D9%88%D9%84%D9%88-%D8%A7%D9%88-%D8%AB%D8%A8%D8%AA-%D9%85%D8%B1%DA%A9%D8%B2-%D8%AC%D9%88/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading