بازتاب نیوز

پدرام: زموږ د ټاکنو په اړه نور کسان تصمیمونه نیسي

٢٤ زمری ١٣٩٨ د كليد ګروپ

د جمهوري ریاست نوماند لطیف پدرام د ټاکنو ترسره کېدو په اړه اندېښنه وښوده او زیاته یې کړه چې زموږ په ټاکنو کې تصمیمونه نور نیسي.

د عدالت او امنیت ټاکنیز ټیم مشر لطیف پدارم نن (پنجشنبه) د ټاکنیز کمپاین په لومړۍ غونډه کې د نورو کاندیدانو برنامو ته په نیوکې سره وویل چې ټاکنې بشپړې خپلواکې نه دي او نور زموږ په ټاکنو کې لاسوهنه کوي.

ښاغلي پدرام د ټاکنو پر ترسره کېدو شک وښود.

د جمهوري ریاست دغه نوماند د افغانستان بهرني سیاست ته په نیوکې زیاته کړه چې نور کاندیدان باید د کشمیر د موضوع په اړه ښکاره دریځ ولري.

ښاغلي پدرام همدارنګه په هېواد د جګړې پر سختېدو او د هېواد په ځینو برخو کې د داعش ډلې په ښکاره کېدو هم اندېښنه وښوده او زیاته یې کړه چې امریکا یو اشغالګر هېواد دی.

دا په داسې حال کې ده چې د جمهوري ریاست د ټاکنو کابو ۲۰ ورځې تېرېږي، خو تراوسه ځینو نوماندانو خپل ټاکنیز کمپاینونه نه دي پیل کړي.

The post پدرام: زموږ د ټاکنو په اړه نور کسان تصمیمونه نیسي appeared first on pashto.

اصلي اړیکې: https://tkg.af/pashto/2019/08/15/%D9%BE%D8%AF%D8%B1%D8%A7%D9%85-%D8%B2%D9%85%D9%88%DA%96-%D8%AF-%D9%BC%D8%A7%DA%A9%D9%86%D9%88-%D9%BE%D9%87-%D8%A7%DA%93%D9%87-%D9%86%D9%88%D8%B1-%DA%A9%D8%B3%D8%A7%D9%86-%D8%AA%D8%B5%D9%85%DB%8C/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading