بازتاب نیوز

امریکا: لوګر کې دې د ماشومانو د جنسي ځورونې قضیه وڅېړل شي

١٢ ليندی ١٣٩٨ نن ټکی اسیا

نن ټکی اسیا (سه شنبه، ۱۲ لیندۍ، ۱۳۹۸ل): د امریکا د بهرنیو چارو وزارت وایي، د افغان حکومت ادارې دې لوګر کې د ماشومانو د جنسي ځورونې قضیه وڅېړي.

د یاد وزارت په رسمي ټویټر پاڼه لیکل شوي « موږ د لویې څارنوالۍ په ګډون له ټولو افغان ادارو هیله کوو، چې په لوګر کې د ماشومانو د جنسي ځورونې په تړاو خپاره شوي اندېښمنوونکي راپورونه دقیق وڅېړي او په تړاو یې قاطع اجرآت وکړي.»

بهرنیو چارو وزارت وروسته له هغه لوګر کې د جنسي ځورونې د قضیې د څېړلو غوښتنه کوي، چې څه موده وړاندې د یاد ولایت د مدني ټولنو رییس داسې راپورونه خپاره کړل، چې ګواکي ۵۰۰ تنه زده کوونکي د خپلو ښوونکو له لوري جنسي ځورول شوي.

ددې راپورونو خپرېدو بېلابېل غبرګونونه راوپارول، پوهنې وزارت په لومړیو کې یاد راپور په شدت رد کړ؛ خو وروسته یې د پېښې پلټلو لپاره یو حقیقت موندونکی کمېسیون وټاکه.

د یاد راپور له خپرېدو وروسته ملي امنیت د لوګر د مدني ټولنو رییس وتښتاوه او وروسته یې ورباندې داسې ويډیو ثبت کړه، چې نوموړی پکې خپل خپور شوی راپور غلط باله او له حکومت څخه یې د بښنې هیله لرله.

شریک یې کړئ:

اصلي اړیکې: https://www.nunn.asia/155640/د-امریکا-د-بهرنیو-چارو-وزارت-لوګر-کې-دې/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading