بازتاب نیوز

ننګرهار کې د جاپانۍ مؤسسې ټپي شوي مشر خپل ژوند له لاسه ورکړ

١٣ ليندی ١٣٩٨ نن ټکی اسیا

نن ټکی اسیا (چهار شنبه، ۱۳ لیندۍ، ۱۳۹۸ل) په جلال اباد ښار کې د نامعلومو کسانو په ډزو ټپي شوی د جاپاني مؤسسې « پي ايم ايس» مشر ډاکټر ناکامورا د ژورو ټپونو له امله ساه ورکړه.

د نوموړي په موټر نن سهار  جلال اباد ښار کې نامعلومو وسله والو بريد وکړ چې د هغه درې ساتونکي، موټر چلونکی او يو بل تن ووژل شول او خپله ټپي شو چې د تداوۍ لپاره باګرام ته ولېږدول شو او هلته يې ساه ورکړه.

طالبانو په نوموړي بريد کې لاس درلودل رد کړي او ويلي يې دي چې د رغنيزو چارو په کارکوونکو بريدونه د دوی کار نه دی او نه دا ډول خلک د دوی هدف دي.

تر اوسه په ډاکټر ناکامورا د وسله وال بريد پړه چا په غاړه نه ده اخيستې.

په خواله رسنیو کې په ناکامورا بريد غندل شوی او هغه د افغانستان يو خواخوږی معمار بلل شوی.

ډاکټر ناکامورا چې د افغانستان د بيارغونې په چارو کې یې فعاليت کاوه، له ډېرې مودې راهیسې يې په جلال اباد ښار کې دنده درلوده او د ښو چارو د ترسره کولو له امله ورته د ولسمشر غني له لوري په افتخاري توګه د افغانستان تابعيت هم ورکړل شوی و.

د يادونې وړ ده چې دا لومړی ځل نه دی چې په افغانستان کې د رغنيزو چارو په کارکوونکو بريد کې مګر تر دې وړانډې هم پرې بريدونه شوي دي چې نه يې څوک مسؤلیت په غاړه اخلي او نه هم حکومت د دا ډول بريدګرو په نيولو توانېدلی دی.

شریک یې کړئ:

اصلي اړیکې: https://www.nunn.asia/155702/ننګرهار-کې-د-جاپانۍ-مؤسسې-ټپي-شوي-مشر-خپ/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading