بازتاب نیوز

هند، ایران او پاکستان کې طبیعي پېښو ۱۰۰تنه وژلي

٢٥ مرغومی ١٣٩٨ طلوع نیوز

 

یو شمېر بهرنیو رسنیو چهارشنبې(د مرغومې په ۲۵مه نېټه) راپور ورکړی چې د اورښتونو، واورو ښویدنو او سېلابونو له کبله د هند، پاکستان او ایران ځینو برخو کې ۱۰۰ تنه وژل شوي دي.

مخکې له دې د هند تر کنټرول لاندې کشمیر د پاکستان بلوچستان او د ایران سیستان او بلوچستان کې هم اورښتونو زیانونه اړولي وو.

زیانمن کسان د دولتي مرسته له نه ور رسېدو شکایت کوي.

په ځینو موارد کې د سیمې خلک خپله د زیانمنو د ژغورلو هڅې کړې دي.

د راپورونو له مخې د پاکستان کشمیر کې ۵۹ کسان د واورې ښوېدو له کبله وژل شوي دي، د چارواکو په خبره لا هم یو شمېر کسان په نیلُم دره کې بند پاتي او ۵۳ کورونه هم وران شوي دي.

همداراز د هند تر ولکې لاندې کشمېر کې تر اوسه پورې د واورې ښوېدو له کبله لس تنه وژل شوي دي.

د بلوچستان ایالاتي حکومت ویاند، لیاقت شاهواني په دې اړه وايي:«تر اوسه پورې د خاورینو کورنو د نړېدو له کبله ۲۰ تنه وژل شوي دي او د ۲۳کسانو د ټپي کېدو په تړاو راپور شته.»

اوس مهال زیانمنو سیمو کې لارې بندې دي او چلوونکي له ستونزو سره مخامخ دي.

 

اصلي اړیکې: https://tolonews.com/index.php/pa/world/هند،-ایران-او-پاکستان-کې-طبیعي-پېښو-۱۰۰تنه-وژلي

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading