بازتاب نیوز

سرچینې: د طالبانو مشر لنډمهاله اوربند منلی

٢٦ مرغومی ١٣٩٨ خبر تلویزیون یک

سرچینې وایي د طالبانو مشر، ملا هبت الله اخند د ۷ یا ۱۰ ورځو اوربند باندې هوکړه کړې ده.

ځینو پاکستاني رسنیو د طالب سرچینو له قوله لیکلي چې د طالبانو د رهبرۍ شورا اکثره غړو د لنډمهاله اوربند وړاندیز منلی او دا طرحه یې د خپل مشر ته استولی چې د هغه له لوري هم منل شوی دی.

ټاکل شوې ده چې د طالبانو سیاسي دفتر خپله دا پریکړه قطر کې د امریکا له ځانګړي استازي، زلمي خلیلزاد سره شریکه کړي.

سرچینې ویلي که چیرې دا طرحه د خلیلزاد له لوري ومنل شي، نو د دغه اووه یا لس ورځې اوربند په موده کې به د امریکا او طالبانو ترمنځ د سولې هوکړه لاسلیک شي.

د دغه رپوټ پر اساس، طالبانو قطر کې د طالب او امریکایي استازو د خبرو څیړنې لپاره یوه درې کسیزه کمیټه هم ګمارلې ده.

په دغه درې کسیز پلاوي کې د طالبانو محکمې مشر شیخ عبدالحکیم، شیخ شریف او شیخ قاسم شامل دي.

طالب سرچینو ویلي چې د طالبانو او امریکا ترمنځ د سولې هوکړې له لاسلیک کیدو وروسته به امریکایي ځواکونو د څوارلسو میاشتو په موده کې له افغانستانه وځي.

دا په داسې حال کې دي چې قطر کې د طالب او امریکایي استازو ترمنځ د سولې مذاکرات له څو اونیو راهیسې دریدلي دي.

د دې خبرو د دریدو عامل هم د اوربند په تړاو د دواړو خواوو ترمنځ اختلافونه بلل شوي دي.

اصلي اړیکې: http://www.1tvnews.af/ps/news/afghanistan/40918-2020-01-16-06-37-13

د اصلي پاڼې خلاصول

خبر تلویزیون یک په اړه نور ولولئ

وروستي خبرونه:

Loading