بازتاب نیوز

شاه محمود قریشي: طالبان د تاوتریخوالي کمولو ته چمتو شوي

٢٦ مرغومی ١٣٩٨ خبر تلویزیون یک

د پاکستان د بهرنیو چارو وزیر، شاه محمود قریشي ویلي طالبانو د تاوتریخوالي کمولو لپاره چمتووالی ښودلی دی.

ښاغلي قریشي دا څرګندونې نن پنجشنبې په یوه ویډیویي پيغام کې کړي دي.

قریشي د طالبانو دا پریکړه د طالب او امریکایي استازو د سولې مذاکراتو بریا لپاره یو ښه ګام بللی دی.

هغه هیله ښودلې چې دا هڅې د هغې سولې د راتلو لامل شي چې افغانستان او پاکستان دواړه پکې خوندي وي.

دا په داسې حال کې دي چې ځینو پاکستانۍ رسنیو د طالب سرچینو له قوله لیکلي چې د طالبانو مشرانو د اوو یا لسو ورځو اوربند باندې هوکړه کړې ده.

تر اوسه اوربند یا تاوتریخوالي کمول په رسمي ډول د طالبانو یا امریکایي لوري له خوا نه دي تایید شوي.

اصلي اړیکې: http://www.1tvnews.af/ps/news/afghanistan/40923-2020-01-16-07-54-32

د اصلي پاڼې خلاصول

خبر تلویزیون یک په اړه نور ولولئ

وروستي خبرونه:

Loading