بازتاب نیوز

د افغانستان په شمال کې  په فاریاب ولایت کې  یو جګپوړی  قاضي  ووژل شو.

٢٦ مرغومی ١٣٩٨ ټي آر ټي

 

د فاریاب ولایت نه د ترلاسه شوو معلوماتو له مخې نن د سهار په وختي ساعتونو کې د یاد شوي ولایت  د استیناف محکمې  د جزا د دیوان  رئیس  د ناپیژانده  وسله والو  په برید کې ووژل شو.

د فاریاب ولایت د پولیسو ویاند  عبدالکریم  یورش  د پیښې پخلی کړی دی او ویلي دي چې  د فاریاب ولایت د استیناف محکمې د جزا دیوان قاضي  غلام فاروق  نن  د سهار په ۵ بجو او ۵۰ دقیقو هله ووژل شو  چې  د جومات نه د راوتو  په حال کې وو.

هغه ویلي دي چې ناپیژانده  وسله والو یا وسله وال  په قاضي فاروق  د جومات  نه د راوتو په حال کې  ډزې کړي دي.

قاضي  فاروق  پدې پیښه کې ژوند د لاسه  ورکړ  او برید کوونکي  د پيښې د ځای نه تښتیدلي دي.

ویاند ویلي دي چې پولیسو  د نوموړي برید په اړه تحقیقات پيل کړي دي. د فاریاب ولایت اوسیدونکي  د دا ډول هدفي وژنو نه سر ټکوي.

هغوې وايي چې په میمنې ښار کې  په میاشت کې یو ځل خامخا  دا ډول پيښې رامنځته کیږي.

اصلي اړیکې: https://www.trt.net.tr/pashto/fgnstn/2020/01/16/d-fgnstn-ph-shml-kh-ph-fryb-wlyt-kh-yw-jkpwry-qdy-wwjl-shw-1341814

د اصلي پاڼې خلاصول

ټي آر ټي په اړه نور ولولئ

وروستي خبرونه:

Loading