بازتاب نیوز

روسیه: د طالبانو او امریکا تر منځ له توافق ملاتړ کوو

٢٧ مرغومی ١٣٩٨ نن ټکی اسیا

نن ټکی اسیا (شنبه، ۲۸ مرغومي، ۱۳۹۸ل): د روسیې دبهرنیو چارو وزیر «سرګي لاوروف» وایي، د طالبانو او امریکا تر منځ روانې خبرې ورته اړینې دي او هیواد یې له دې پروسې ملاتړ کوي.

اسپوتنیک خبري اژانس د سرګي لاوروف له قوله لیکلي، چې روسیه د طالبانو او امریکا تر منځ د یوه توافق له رامنځته کېدو ملاتړ او په دې برخه کې مرسته کوي.

نوموړي زیاته کړې « موږ پوهېږو، چې د امریکا متحده ایالات په افغانستان کې اصلي لوبغاړی دی، هلته سرتېري لري او یو بشپړ ائتلاف رهبري کوي، په اوسني وخت کې امریکا له طالبانو سره خبرې بیا پیل کړې، دا زموږ لپاره ډېرې اړینې دي، موږ غواړو د همدې خبرو له لارې دواړه لوري یو توافق ته ورسېږي، تر څو په تعقیب یې بین الافغاني خبرې پيل شي.»

د لاوروف په خبره، دوی له دې بهیر ملاتړ کوي او له طالبانو سره د خپلو اړیکو په لړ کې غواړي، هغوی قانع کړي، د افغانستان له ټولو جهتونو سره خبرې وکړي.

روسیه داسې مهال د طالبانو او امریکا تر منځ خبرې اړینې بولي او دواړو لورو تر منځ له کېدونکي توافق ملاتړ کوي، چې په دوحه کې د طالب او امریکا تر منځ مذاکرات توافق ته رسېدلې ښکاري او تېره ورځ  د دواړو لورو د مذاکراتي ټیمونو مشران د «توافقنامې» د لاسلیک په مراسمو غږېدلي.

شریک یې کړئ:

اصلي اړیکې: https://www.nunn.asia/157796/روسیه-د-طالبانو-او-امریکا-تر-منځ-له-توا/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading