بازتاب نیوز

د ۱۳۹۹ کال بودیجه د خلکو بیړنیو او مهمو اړتیاوو ته ځواب نه وايي

١ سلواغه ١٣٩٨ سلام وطندار

پر روڼتیا د څار بنسټ مسوولانو نن په کابل کې د یوې خبري غونډې پر مهال وویل، د ۱۳۹۹ کال بودیجه د افغانانو بیړنیو او مهمو اړتیاوو ته ځواب نه شي ویلی.

د یاد بنسټ د عدالت غوښتنې او اړیکو مسوول محمدناصر تیموري وايي، که څه هم په ملي یووالي حکومت کې عواید او د بودیجې لګښت ډېر شوی، خو د راتلونکي کال په بودیجه کې د خلکو لومړنیو اړتیاوو انعکاس نه دی موندلی.

د سولې او ولسواکۍ موسسې مرستیالې فروزان رسولي وايي، د ۱۳۹۹ کال بودیجه د افغانانو بنسټیزو اړتیاوو ته ځواب نه شي ویلی.

خو د مالیې وزارت ویاند شمعروز خان مسجدي دغه څرګندونې نه مني او وايي، د افغانستان نړیوال همکاران ۵۰ سلنه بودیجه تمویلوي او افغان دولت ډېر مالي امکانات نه لري.

د ۱۳۹۹ کال لپاره ټول‌ټال شاوخوا ۴۲۸ میلیارډه افغانۍ بودیجه په پام کې نیول شوې چې له ډلې یې ۲۸۹ میلیارډه افغانۍ عادي او ۱۳۹ میلیارډه هم پراختیايي هغه ده.

اړوند مطالب:

د افغانستان پراختیایي بودیجه د روڼوالي او تطبیق له پلوه په ټیټه کچه کې ده

اصلي اړیکې: https://swn.af/pashto/Article.aspx?a=52663

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading