بازتاب نیوز

امریکا او طالبانو د تاوتریخوالي پر اووه ورځني کمښت ټینګار کړی ـ ایسپر

٢٤ سلواغه ١٣٩٨ آریانا نیوز

د امریکا دفاع وزیر د پنجشنبې پر ورځ/ د سلواغې ۲۴ په بروکسل کې د ناتو د دفاع وزیرانو له دوه ورځنۍ غونډې وروسته په یوه خبري کنفرانس کې څرګنده کړه، چې امریکا او طالبانو د تاوتریخوالي د اووه ورځني کمښت پر وړاندیز خبرې کړي دي.

د امریکا دفاع وزیر مارک ایسپر ویلي؛ د دغه وړاندیز په اړه له متحدینو سره سلا مشورې اړینې دي او مونږ د پرمختګ په اړه دوه اړخیزې او ډله ییزې ناستې هم تر سره کړې دي.

مارک ایسپر ویلي، چې مونږ د طالبانو د اووه ورځني اوربند په اړه د دوی ژمنې او وړتیا ته په تمه  یو؛ ځکه، چې ورپۍې بین الافغاني  او د بهرنیو ځواکونو د وتو په اړه خبرې پیل شي.

نوموړي د داعش د ګواښ د له منځه وړلو په اړه د ناتو د غړیو هېوادونو پر همکاریو هم ټینګار څرګند کړ  او  وایي، چې په پوره ځواک به د داعش جنګیالیو مخه ډب کړي.

دغه څرګندونې په داسې حال کې کیږي، چې ځینو امریکايي رسنیو د امریکایي چارواکو له خولې په ډاګه کړې، چې امریکا به روانه اوونۍ له طالبانو سره جوړجاړي ته د رسیدو اعلان وکړي.

اصلي اړیکې: https://ariananews.af/امریک-86/?lang=ps

د اصلي پاڼې خلاصول

آریانا نیوز په اړه نور ولولئ

وروستي خبرونه:

Loading