بازتاب نیوز

بګرام کې یو امریکايي عسکر مړ شوی

٢٤ سلواغه ١٣٩٨ نن ټکی اسیا

نن ټکی اسیا (جمعه، ۲۵ سلواغه، ۱۳۹۸ل): په افغانستان کې د امریکایي ځواکونو په تر ټولو لویه پوځي اډه «بګرام» کې یو امریکایي  عسکر ژوند له لاسه ورکړی.

فاکس نیوز، د امریکا د دفاع وزارت له قوله لیکي، چې «۴۱» کلن برانډن د کابل په شمال کې د بګرام په هوایي اډه کې د تېرې چهارشنبې په ورځ مړ شوی.

د راپور په بنسټ، برانډن په ۲۰۱۶ میلادي کال کې د پوځ لیکو ته داخل شوی وو او د الوتکو د ترمیم د یوه انجینر په حیث یې دنده پیل کړې وه.

د سرچینې په خبره، پېښه تر څېړنې لاندې ده؛ خو لا هم څرګنده نه ده، چې برانډن د کومې ناروغۍ او که کوم بل لامل له امله مړ شوی.

د امریکا دفاع وزارت د برانډن له کورنۍ سره خپله ژوره خواخوږي ښودلې او د خپل هر سرتېري مرګ یې ستره ضایعه بللې.

شریک یې کړئ:

اصلي اړیکې: https://www.nunn.asia/159050/بګرام-کې-یو-امریکايي-عسکر-مړ-شوی/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading