بازتاب نیوز

کندز: نفوذي عسکر دوه قومندانان او څلور عسکر وژلي

٢٥ سلواغه ١٣٩٨ نن ټکی اسیا

نن ټکی اسیا (جمعه، ۲۵ سلواغه، ۱۳۹۸ل): د کندز ولايت په امام صاحب ولسوالۍ کې يو تن نفوذي عسکر د دوو قومندانانو په شمول ۶ عسکر وژلي دي.

د طالبانو وياند ذبيح الله مجاهد وايي چې تيره شپه د امام صاحب ولسوالۍ اړوند عاقي بای سيمه کې يو نفوذي عسکر د عزيز او عمر په نامه دوه دولتي قومندانان او څلور عسکر په خپله پوسته کې وژلي دي.

مجاهد وايي چې ياد نفوذي عسکر له پنځه ميله وسلې سره له طالبانو سره يو ځای شوی دی.

د يادونې وړ ده چې په دولتي ليکو کې وخت ناوخت ځينې عسکر په خپلو ملګرو بريدونه کوي او مرګ ژوبله اړوي.

څو ورځې وړاندې هم د ننګرهار ولايت شيرزادو ولسوالۍ کې يو افغان عسکر په امريکايي عسکرو بريد وکړ او ۷ امريکايان يې ووژل.

تر اوسه د کندز ولايتي چارواکو په دې اړه څه نه دي ويلي

شریک یې کړئ:

اصلي اړیکې: https://www.nunn.asia/159065/کندز-نفوذي-عسکر-دوه-قومندانان-او-څلور-ع/

د اصلي پاڼې خلاصول

نن ټکی اسیا په اړه نور ولولئ

وروستي خبرونه:

Loading