بازتاب نیوز

د کرونا ویروس د قربانیانو شمېر له ۱۴۰۰ تنو واوښت

٢٥ سلواغه ١٣٩٨ طلوع نیوز

په چین کې د کرونا یا «کویډ ۱۹» قربانیانو شمېر، څه باندې ۱۴۰۰ تنو ته رسېدلی دی.

د چین د روغتیا د برخې چارواکي وايي چې کابو ۶۰ زره تنه نور په دغه ویروس ککړ دي.

تېره ورځ، د چین ملي پوځ څه باندې ۱۴۰۰ ډاکټران د دغه هېواد ووهان ښار ته واستول - هغه ځای چې د دغه ویروس له امله ډېری قربانیان لري. څو له هغو ناروغانو سره چې پر دغه وژونکي ویروس اخته دي مرسته وکړي.

ورته مهال د روغتیا نړیوال سازمان وايي چې دغه ویروس لا نړیوال شوی نه دی.

دغه سازمان وايي له دې سره چې دغه ویروس چین کې په پراخه کچه خپور شوی خو له چین څخه بهر یې د خپرېدا کچه د پام وړ زیاته نه ده. 

اصلي اړیکې: https://tolonews.com/pa/world/د-کرونا-ویروس-د-قربانیانو-شمېر-له-۱۴۰۰-تنو-واوښت

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading