بازتاب نیوز

ښايي د ټاکنو وروستۍ پایله نن اعلان شي

٢٩ سلواغه ١٣٩٨ سلام وطندار

د ټاکنو خپلواک کمېسیون غړی محمدحنیف دانشیار نن د یوې خبري غونډې پر مهال وویل، له همدې شېبې د ولسمشري ټاکنو د وروستۍ پایلې اعلان ته د شېبو شمېرل پیل شوي دي. هغه زیاتوي، «نور خبره د څو ورځو نه ده، بلکې یوازې څو ساعته باید په تمه شو.»

هغه ټینګار کوي چې که کومه تخنیکي ستونزه پېښه نه شي، د ولسمشري ټاکنو وروستۍ پایله به نن ماښام یا هم هرو مرو سبا اعلان شي.

دانشیار پرون ویلي و چې د ولسمشري ټاکنو وروستۍ پایله به په راتلونکیو ۳ یا ۴ ورځو کې اعلان شي، خو نن یې خپله خبره بېرته واخیسته او وايي، د خلکو انتظار به ډېر ژر پای ته ورسېږي.

که څه هم حنیف دانشیار پرون په ضمني توګه ویلي و چې د ټاکنو په پایله کې د پام وړ بدلون نه دی راغلی، خو نن وايي چې کمېسیون د پایلې په اړه هېڅ معلومات نه لري. د نوموړي په وینا، پایله به له سېسټم نه په لاس راشي.

د لانجمنو رایو د بیاشمېرنې او ځانګړې پلټنې بهیر پرون پای ته ورسېده، خو د ټاکنیزو کمېسیونونو او یوشمېر ټیمونو ترمنځ اختلافات لا هم پر ځای دي.

ټاکنیزو لوریو تر اوسه د ټاکنو د وروستۍ پایلې د اعلان په اړه کوم غبرګون نه دی ښودلی، خو تر څنګ یې تر اوسه لا روښانه نه ده چې د ټاکنو کمېسیون به وکولی شي د ټاکنو وروستۍ پایله اعلان کړي او که‌نه؟

اړوند مطالب:

د ټاکنو وروستۍ پایله درې یا څلور ورځې وروسته اعلانېږي ټیفا ټاکنیزو کمېسیونونو ته: تقابل به مو له خنډ سره مخ کړي

اصلي اړیکې: https://swn.af/pashto/Article.aspx?a=53255

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading