بازتاب نیوز

د میدان وردګ له زندانه ۹ طالب بندیان خوشې شول

٦ وری ١٣٩٩ سلام وطندار

د میدان وردګ ولایت چارواکي وایي, د ولسمشر محمداشرف غني د د ۳۳۶ ګڼه فرمان له مخې د دغه ولایت له زندانه ۹ طالب بندیان خوشې شول.

د میدان وردګ د والي ویاند محب الله شریفزي سلام وطندار ته د دغه خبر د پخلي ترڅنګ وویل چې ۹ طالب بندیان د ولسمشر د حکم له مخې, د یوه ګډ کمېسیون تر پلټونو وروسته خوشې او له خپلو کورنیو سره یوځای شوي دي.

شریفزي زیاته کړه, خوشې شوي بندیان به نور له جګړې لاس اخلي, د سولې او امن په ټينګښت کې به ونډه اخلي او له خپلو کورنیو سره به هوسا ژوند کوي.

د میدان وردګ ولایت چارواکيو د خوشې شویو بندیانو د بشپړ هویت او نورو جزیاتو له ورکولو ډډه وکړه.

خو د امریکا او طالبانو ترمنځ له شوې هوکړې وروسته دا لومړی ځل دی چې د حکومت له بنده ۹ طالب بندیان خوشې کېږي.

اصلي اړیکې: https://swn.af/pashto/Article.aspx?a=54011

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading