بازتاب نیوز

د هرات تړلی ښار په انځورونو کې

٦ وری ١٣٩٩ بی بی سی

د افغانستان لوېدیځ ته په هرات کې د کورونا ویروس خپرېدو پسې حکومت په دغه ولایت کې د ورځې پر تګ را تګ بندیز ولګاوه او له خلکو یې وغوښتل چې کورونو کې پاتې شي.

هرات ښار له ایران سره پوله لري له دغه هېواد ترې افغان کډوال ستنېږي او د افغانستان ښارونو کې د کورونا ویروس د خپرېدو له پلوه تر ټولو ډېر زیانګالی بلل کېږي.

د چارشنبې په ورځ(د مارچ ۲۵) په دغه ښار کې د هغو کسانو شمېر ۵۳ ته ورسېد چې معاینه یې شوې او کورونا نیولي دي. له کورونا مړه شوې ۴۵ کلنه ښځه هم د هرات اوسېدونکې وه.

ګرځبندیز پسې بازارونه، هټۍ او ټول پلورنځي تړلي او خلک هم تر تېرو ورځو کم لیدل کېږي، دا بندیز لومړیو کې دوه ورځې دی.

د هرات اوسېدونکي له حکومت غواړي چې د خلکو اقتصادي حالت ته هم کلک پام وکړي.

Image caption چارسوق بازار چې د ښار یوه ډېره بیروباري سیمه وه.
Image caption د هرات ارګ او پای حصار بازار چې د ښار یوه بله تر ټولو بیروباري سیمه وه.
Image caption د هرات ښار یوه څنډه
Image caption هرات ښار تر نورو ورځو ډېر تش ښکاري.
Image caption د هرات ولایت اداري مرکز یا د ولایت مقام
Image caption جامع جومات ته نږدې د لیلامي پلورو جاده
Image caption پلورنځي او دوکانونه هم تړلي دي.
Image caption د هرات د بوټپلورو بازار

انځورونو د فرهاد تمنا

اصلي اړیکې: https://www.bbc.com/pashto/afghanistan-52044842

د اصلي پاڼې خلاصول

بی بی سی په اړه نور ولولئ

وروستي خبرونه:

Loading