بازتاب نیوز

ایتالیا کې د کرونا ویروس د قربانیانو شمېر۷۵۰۳ ته ورسید

٧ وری ١٣٩٩ طلوع نیوز

د ایتالیا حکومت چهارشنبې(د وري په ۶مه نېټه) خبر ورکړی چې دغه هېواد کې د کرونا ویروس له کبله د قربانیانو شمېر ۷۵۰۳ته رسېدلی.

ویل کېږي چې تېرو ۲۴ ساعتونو کې په دغه هېواد کې ۶۸۳ تنه د کووید ۱۹ ناروغۍ له کبله مړه شوي دي.

له بلې خو ایتالیا کې د کډوالو د حقونو مدافع یو خیریه بنسټ سرکونو ته ګرځنده ډلې لیږي څو بې کوره کډوال معاینه کړي.

دغه بنسټ خپل وړیا روغتیایي خدمتوته پراخ کړي دي، څو د بې کوره کسان ترمنځ د کرونا ویروس د خپرېدو مخنیوی وشي.

 ایتالیا کې روغتونونه د کووید ۱۹ له ناروغانو ډک دي او د بې کوره کسانو لپاره وړتیا نلري.

په همدې حال کې له ایتالیا وروسته، اسپانیا د کرونا ویروس پربل لوی د کرونا ویروس قرباني هېواد بدل شوی دی.

د تېرې ورځې تر ماښامه پورې اسپانیا کې د کرونا ویروس د قربانیانو شمېر ۳۴۳۴ ته ورسیدې په داسې حال کې چین کې یې قربانیان  ۳۲۸۵ وو.

یوازې تېره اوونۍ دغه هېواد کې ۷۳۸ د یادې ناروغۍ له کبله مړه شول.

د اخته کسانو شمېر هم اسپانیا کې ۴۷ زره تنو ته رسېدلی.

اصلي اړیکې: https://tolonews.com/index.php/pa/health/ایتالیا-کې-د-کرونا-ویروس-د-قربانیانو-شمېر۷۵۰۳-ته-ورسید

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading