بازتاب نیوز

پر کرونا ویروس ۲۸ اخته کسانو ایران ته د سفر تاریخچه نه‌لري

٧ وری ١٣٩٩ خبرگزاری دید

د کرونا ویروس د ۸۰۰ شکمنو سمپلونو له ډلې، چې تر اوسه په مرکزي او د هرات ولایت په لابراتوارونو کې تر ازموینې لاندې نیول شوي، ۸۰ سمپلونه یې مثبت پېژندل شوي دي. د دغو پېښو ډېرۍ برخه په هرات ولایت پورې اړه لري.

د کرونا ویروس د ۸۰۰ شکمنو سمپلونو له ډلې، چې تر اوسه په مرکزي او د هرات ولایت په لابراتوارونو کې تر ازموینې لاندې نیول شوي، ۸۰ سمپلونه یې مثبت پېژندل شوي دي. د دغو پېښو ډېرۍ برخه په هرات ولایت پورې اړه لري.
د دید خبری آژانس په رپوت، ۵ تنه روغتیایي کارکوونکي هم د هغو کسانو په ډله کې دي چې کرونا ویروس پکې مثبت پېژندل شوی دی. د دغو روغتیایي کارکوونکو یو تن په کندهار او ۴ تنه یې په هرات ولایت کې تر څارنې لاندې دي.
د عامې روغتیا وزارت د روغتیایي خدمتونو د وړاندې کولو مرستیال، ډاکټر فدا محمد پیکان، چې د کرونا ویروس په اړه یې، د عامې روغتیا وزارت د ورځنیو کنفرانسونو پر دوام، د حکومت د اطلاعاتو او رسنیو په مرکز کې خبرې کولې، زیاته کړه: د هېواد په کچه د کرونا پر ویروس د ۸۰ اخته کسانو له ډلې، ۲۸ تنه یې ایران او یا چین ته د سفر تاریخچه نه‌لري او دغه ویروس په ټولنه کې له کوم کس څخه هغوی ته سرایت کړی دی.
د هغو کسانو ډېری شمېر، چې له ټولنې څخه کرونا ویروس ورته رسېدلی، په هرات ولایت پورې اړه لري.
هغه وویل، د کرونا ویروس ۸۰ مثبتې پېښې چې تر اوسه تشخیص شوي، د هغو سمپلونه د هېواد له ۲۹ ولایتونو څخه د عامې روغتیا وزارت لابراتورونو ته د تشخیص په موخه رسېدلي دي.
ښاغلي پیکان وویل چې د هرات، فراه او زرنج ښارونو اوسېدونکو، په دغو ښارونو کې د کرونا ویروس له خپرېدو څخه د مخنیوي په موخه د ورځې ګرځبندیزونه مراعت کړي دي.
هغه د کابل ښار د یو زیات شمېر ښاریانو لخوا د عامې روغتیا وزارت د پیغامونو او سپارښتونو د مراعتولو په برخه کې د هغوي له همکارۍ څخه خوښي وښوده او یو یځل بیا یې له خلکو څخه وغوښتل، چې د کرونا ویروس د مخنیوي لپاره د عامې روغتیا وزارت پر سپارښتنو عمل وکړي او که ډېره اړتیا نه وي له کورونو څخه دې بهر نه وځي.

اصلي اړیکې: http://didpress.com/ps/?p=1422

د اصلي پاڼې خلاصول

خبرگزاری دید په اړه نور ولولئ

وروستي خبرونه:

Loading