بازتاب نیوز

عبدالله: د سیاسي بحران حل لپاره مو انعطاف وښود؛ خو ځواب رد و

٧ وری ١٣٩٩ سلام وطندار

د افغانستان د ټول‌شموله حکومت ولسمشر عبدالله عبدالله نن په سپېدار ماڼۍ کې يوې خبري غونډه کې وویل، د هېواد سیاسي بحران د حل لپاره یې له ځانه انعطاف ښودلی؛ خو د رد ځواب یې تر لاسه کړی.

عبدالله وايي، د بحران دوام د دې لامل شو چې د امریکا یو ملیارد ډالري مرسته کمه شي چې د دې وضعیت دوام د افغانستان د خلکو په ګټه نه دی.

د هغه په خبره، په هېواد دننه د امریکا د مرستو جبران امکان نه لري او ټینګار يې وکړ چې نامسوولانه او ناواقع بینانه ژمنې د هېواد په ګټه نه دي.

عبدالله عبدالله وايي، د رامنځته شوي بحران د حل په لټه دی خو چې د خلکو قناعت پرې حاصل شي او زياتوي، د دوی خاموشي د ضعف په معنا نه ده او اوس هم د خلکو له رایو د دفاع لپاره په ټول قوت او له هرې وسیلې په ګټې اخیستو چمتو دي.

دا څرګندونې په داسې حال کې دي چې درې ورځې وړاندې د امریکا د بهرنیو چارو وزیر مایک پامپیو د بحران حل لپاره افغانستان ته راغی؛ خو هڅې یې بې پایلې وې.

 پامپیو د عبدالله او غني تر منځ د نه هوکړې په غبرګون کې افغانستان ته د خپلو مرستو له ډلې یو میلیارد ډالره کم کړل.

اصلي اړیکې: https://swn.af/pashto/Article.aspx?a=54043

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading