بازتاب نیوز

په دوو ورځو کې د هېواد له زندانونو لسګونه زندانیان ازاد شوي

١٢ وری ١٣٩٩ د كليد ګروپ

د جمهور رییس محمد اشرف غني د فرمان پر بنسټ د هېواد له زندانونو د بندیانو د خوشي کېدو لړۍ روانه ده، چې تر دامهاله ۱۹۸ بندیانو خوشي شوي دي. دغه بندیان د پکتیکا، غزني، خوست او ننګرهار له زندانونو خوشي شوي دي. د ننګرهار د رسنیو له دفتره په خپره شوې خبرپاڼه کې ویل شوي، چې د سه شنبې په ورځ د دغه ولایت له محبس څخه ۶۱ بندیان ازاد شول. بلخوا، د هرات امنیتي چارواکو هم د دغه ولایت له زندانه د ۱۴۱ بندیانو د خوشي کېدو خبرورکړی او زیاتوي چې دغه بهیر به له یاد زندان څخه د ۵۰۰ بندیانو تر خوشي کېدو دوام ولري. یاده دې وي چې د جمهور رییس غني د تازه فرمان او له کورونا وېروس سره د مبارزې په هدف به د هېواد له زندانونو څخه ۱۰ زره هغه بندیان خوشي شي، چې په وړو جرمونو مجرم پېژندل شوي او د بند موده کې کمه پاتې وي. حکومت وایي، دغو کسانو ترهګریز فعالیتونه نه دي ترسره کړي او کورني او بهرني امنیت ته ګواښ نه پېښوي. The post په دوو ورځو کې د هېواد له زندانونو لسګونه زندانیان ازاد شوي appeared first on pashto.

اصلي اړیکې: https://tkg.af/pashto/2020/03/31/په-دوو-ورځو-کې-د-هېواد-له-زندانونو-لسګون/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading