بازتاب نیوز

هرات کې د طالبانو یو قومندان د 'سپاه پاسدارانو' له موټر تر ښکته کیدو وروسته ونیول شو

٢ غبرګولی ١٣٩٩ خبر تلویزیون یک

په هرات ولایت کې د طالبانو یو پوځي قومندان هغه مهال د افغان ځواکونو له لوري ونیول شو، چې د سپاه پاسدارانو له موټره ښکته شو.

د هرات د ملي امنیت چارواکو ویلي دغه کس قاري شفیع نومیږي چې په حافظ عمري مشهور دی او په کرخ ولسوالۍ کې د طالبانو نظامي قومندان و.

حافظ عمري د هرات ولایت لویو لارو د امنیت خرابولو باندې هم تورن دی.

دهرات د ملي امنیت ادارې خبرپاڼه کې ویل شوي چې دغه جنګي قومندان هغه مهال په سیاه تپه سیمه کې نیول شوی چې د ایران د سپاه پاسدارانو له موټر ښکته کیده او غوښتل یې چې شینډنډ ولسوالۍ ته پاشتان اوبو بند باندې بریدونو او د لویو لارو امنیت خرابولو لپاره ورشي.

طالبانو یا ایراني چارواکو تر اوسه په دې اړه څه نه دي ویلي.

د ملي امنیت عمومي ریاست هم په هرات کې د طالبانو د دغه قومندان د نیول خبر تایید کړی او ویلي یې دي چې دغه کسان پر عامه تاسیساتو او اوبو بندونو باندې بریدونه کول، خو ایران سره د هغه لاس لرلو په اړه یې څه نه دي ویلي.

ایران په کراتو د افغان او امریکايي چارواکو له لوري د طالبانو پر ملاتړ تورن شوی دی، خو ایراني چارواکو تل دا خبرې رد کړي دي.

اصلي اړیکې: http://www.1tvnews.af/ps/news/afghanistan/42119-2020-05-22-10-28-44

د اصلي پاڼې خلاصول

خبر تلویزیون یک په اړه نور ولولئ

وروستي خبرونه:

Loading