بازتاب نیوز

هېواد کې د کرونا ویروس د ۷۸۲ تازه پېښو ثبت

٣ غبرګولی ١٣٩٩ طلوع نیوز

د عامې روغتیا وزارت تېرو ۲۴ ساعتونو کې د کرونا ویروس د ۷۸۲ تازه مثبتو پېښه له ثبته خبر ورکوي.

د یاد وزارت د شمېرو له مخې چې نن(شنبې د غبرګولي په ۳مه نېټه) یې اعلان کړې دي، له دې سره هېواد کې د ټولو مثبتو پېښو شمېر ۹۹۹۸ ته ورسید.

په همدې حال کې تېره شپه ورځ کې د کووید نوولس ناروغۍ له کبله ۱۱ تنه مړه شوي دي، له دې سره د ټولو مړو شویو کسانو شمېر ۲۱۶ ته ورسید.

د عامې روغتیا وزارت همداراز وايي چې تېرو څلرویشتو ساعتونو کې ۴۴ تنه روغ شوي هم دي او هېواد کې د ټولو روغو شویو شمېر هم ۱۰۴۰ تنو ته رسیږي.

د عامې روغتیا وزارت وروستیو کې د کرونا ویروس د مثبتو پېښو له زیاتوالي اندېښنه څرګندوي او خلکو ته په ټینګار سره سپارښتنه کوي چې روغتیايي تابیاوې په پام کې ونیسي.

وروستیو کې د هېواد لویو ښارونو کې خلک ګرځبندیز ته پام نه کوي، ځینو ولایتونو کې ګرځبندیزونه د لیري کېدو په حال کې دي.

اصلي اړیکې: https://tolonews.com/pa/health/هېواد-کې-د-کرونا-ویروس-د-۷۸۲-تازه-پېښو-ثبت

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading