بازتاب نیوز

طالبانو د افغان حکومت له هغې پرېکړې چې ۲ زره طالب بنديان خوشې کوي، هرکلی کړی

٥ غبرګولی ١٣٩٩ سلام وطندار

ارګ تېره ورځ د طالبانو له لوري د اختر په درې ورځو کې د اوربند کولو په ځواب کې د ۲۰۰۰ طالب بنديانو د خوشې کولو امر وکړ. طالبانو يې هم د دې کار هرکلی کړی دی او د حکومت له لوري دا ګام يې ستايلی دی.

په قطر کې د طالبانو د سياسي دفتر وياند سهیل شاهین په يوه ټوېټ کې ويلي چې د امريکا او طالبانو ترمنځ د شوې هوکړې له مخې اړتيا ده چې د دواړو لوريو ترمنځ د باور جوړولو  لپاره ۵ زره طالب بنديان خوشې شي.

شاهين د بين‌الافغاني مذاکراتو پيل لپاره د بنديانو نه خوشې کولو تر ټولو لوی خنډ ياد کړی دی.

دا په داسې حال کې ده چې طالبانو د شنبې په ورځ ناوخته اعلان وکړ چې افغان حکومت سره د اختر په درې ورځو کې اوبند کوي. افغان حکومت د طالبانو له لوري د اوربند د هرکلي ترڅنګ وويل چې د اوربند اصولو به مراعت کوي او دې کار ته به ژمن وي.

د امريکا او طالبانو ترمنځ د سولې د شوې هوکړې له مخې به افغان حکومت ۵۰۰ طالب بنديان خوشې کوي او په بدل کې به يې طالبان د افغان حکومت ۱۰۰۰ بندي امنيتي سرتېري خوشې کوي. طالبانو ويلي چې د بين‌الافغاني خبرو پيل لپاره تر ټولو اړينه د طالب بنديانو خوشې کول دي.

اصلي اړیکې: https://swn.af/pashto/Article.aspx?a=55272

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0